Gjyqi Ergenekon do të fillojë në 20 tetor në Turqi
27/07/2008
ANKARA, Turqi -- Seanca e parë në gjyqin Ergenekon do të mbahet në 20 tetor, Gjykata Penale e Lartë e Stambollit vendosi të premten (25 korrik). Tetëdhjetë e gjashtë njerëz janë akuzuar për krijimin e organizatës terroriste të armatosur me qëllim përmbysjen e qeverisë. Sipas padisë prej 2,500 faqesh të bërë publike të premten, grupi planifikoi një seri vrasjesh të nivelit të lartë me objektiva që përfshinin fituesin e Çmimit Nobël Orhan Pamuk dhe Shefin e Shtabit të Përgjithshëm Jasar Bujukanit.
Në lajmet e tjera, ushtria lajmëroi të dielën për fillimin e sulmeve ajërore të reja të shtunën kundër bazave terroriste të dyshuara të Partisë së Punëtorëve të Kurdistanit (PKK) në veriun e Irakut. Dymbëdhjetë objektiva në malin e Kandil u bombarduan mbas mesnatës, u tha në deklaratë. Të premten, një minë e shpërthyer nga PKK vrau tre ushtarë turq në provincën e Sirnak, afër me kufirin turk me Sirinë. (AFP, DPA, AP, Hurriyet, Reuters - 27/07/08; Hurriyet, Milliyet, Dogan news agency, Cumhuriyet, Vatan, Radikal - 26/07/08; AP, Turkish press, Reuters, Anadolu news agency, CNN Turk, AFP, Xinhua - 25/07/08)