Kristofias do të propozojë presidencë të rradhës në Qipro
23/07/2008
NIKOSIA, Qipro -- Presidenti Demetris Kristofias pritet të propozojë një presidencë të gjerë dhe nënpresidencë të këmbyeshme për ishullin, kur të takohet të premten (25 korrik) me kreun turk qipriot Mehmet Ali Talat. Sipas raporteve të medias të martën, sipas planit të Kristofias, shteti i ardhshëm qendror do të ketë një sovranitet, një shtetësi, një ekonomi dhe një identitet ndërkombëtar, ndërsa dy komunitetet etnike do të kenë barazi politike. Kristofias do të këmbëngulë gjithashtu në demilitarizimin e ishullit, pakësimin e numrit të banorëve turq dhe kthimin e pronës së grekëve qipriotë që lanë pjesën veriore pasi arritën trupat turke në 1974. Turqit dhe grekët qipriotë megjithatë ngulmojnë se zgjidhja duhet të bazohet në dy shtete të barabartë dhe dy komunitete të barabarta, vinte në dukje e përditshmja Cyprus Mail. (Hurriyet, Cyprus Mail, Phileleftheros, Politis - 22/07/08)