Shqipëria do të mbajë zgjedhjet parlamentare qershorin tjetër
17/07/2008
TIRANË, Shqipëri -- Zgjedhjet parlamentare do të mbahen në qershor 2009, tha të mërkurën (16 korrik) Fatmir Xhafa, kreu i komitetit parlamentar mbi reformën zgjedhore. Mandati do të jetë katër vjet. Komiteti diskutoi gjithashtu një propozim nga Lëvizja Socialiste për Integrimin për të përfshirë diasporën shqiptare në zgjedhjte e ardhshme.
Në lajme të tjera të mërkurën, ministri i mbrojtjes Gazmend Oketa njoftoi plane për të dërguar 95 ushtarë të tjerë në Irak në shtator. Tani, Shqipëria ka 120 trupa që shërbejnë në rajonin jugor të Mosulit. (Koha Jone, Shekulli, Shqip, Gazeta Shqiptare - 17/07/08; Top Channel, Shqip, Shekulli, Xinhua - 16/07/08)