OSBE thotë se gjyqësori i Kosovës është i paefektshëm pas dhunës etnike të marsit 2004

04/07/2008

PRISHTINË, Kosovë -- Në një raport titulluar "Katër vjet më pas" botuar të enjten (3 korrik) ,OSBE kritikoi gjyqësorin e Kosovës për trajtimin e rasteve të rrjedhura nga trazirat e marsit 2004. Raporti vinte në dukje vështirësitë e vazhdueshme në sigurimin e deklarimeve të dëshmitarëve, dështimin e përhapur gjerësisht për të dënuar keqbërësit e dyshuar dhe vonesat e gjata në procedime. Sipas raportit, gjykatat në shumë raste nuk morën parasysh motivin etnik si një faktor përkeqësues. Tim Guldman, kreu i misionit të OSBE vinte në duke se "Ato që janë bërë nuk mund të zhbëhen, por duhet të pasohen nga veprimi i duhur ligjor." Nëntëmbëdhjetë vetë u vranë dhe mbi 900 u plagosën në trazirat që shpërthyen anembanë Kosovës nga dy incidente të shtyra etnikisht.

Në lajme të tjera të enjten, presidenti Fatmir Sejdiu nënshkroi një dekret që ngre një ambasadë të Kosovës në Turqi. Ambasaat janë dekretuar në nëntë vende të tjera por nuk është e qartë se kur do të hapen tamam. (Kosovalive, Kosovapress, TurkishPress.com - 04/07/08; OSCE website, B92, Makfax - 03/07/08)