Gregorian mbështet Transparency International BiH në grindjen me Dodik

04/07/2008

SARAJEVË, Bosnje dhe Herzegovina (BiH) -- Ndihmësi kryesor i Përfaqësuesit të Lartë Rafi Gregorian shprehu të enjten (3 korrik) mbështetjen e tij për OJQ gjurmuese të korrupsionit Transparency International BiH (TI BiH). Më parë gjatë javës, Milorad Dodik i Republika Srpska (RS) tha se ishte në dijeni të praktikave të këqia nga ana e TI BiH , duke përfshirë bizneset e paligjëshme dhe shantazhin ndaj disa biznesmenëve të RS. Gregorian u takua me përfaqësuesit e TI BiH dhe tha më pas se organizata "nuk ka qenë kontaktuar kurrë nga policia dhe nuk është marrë në pyetje apo thirrur në gjykata. Ka patur njoftime të përsëritura nga përfaqësues të qeverisë së RS për veprime ligjore kundër organizatës të cilat nuk kanë rezultuar kurrë në veprime konkrete. Në qoftë se dikush beson se se ka një rast civil apo penal për t'u përgjigjur, kjo duhet bërë nëpërmjet gjykatave, jo deklaratave publike." (OHR website, Fena - 03/07/08)