Komisioni zgjedhor i Maqedonisë kundërshton ankesat e fundit
03/07/2008
SHKUP, Maqedoni -- Komisioni Zgjdhor Shtetëror (SEC) kundërshtoi të mërkurën (2 korrik) ankesat e zvarritura lidhur me zgjedhjet e fundit parlamentare. Partia për Prosperitetin Demokratik (PPD) i ngriti ato pas rivotimit të dytë në disa fshatra etnike shqiptare të dielën e kaluar. PPD ka tani dy ditë të apelojë vendimin e SEC në Gjykatën e Lartë. Përndryshe, rezultatet do të jenë përfundimtare. Ministria e brendëshme thotë se arrestoi 62 vetë dhe ngriti akuza kundër 171 vetëve rreth incidenteve dhe parregullsive që prishën zgjedhjet.
Ndërkohë, kryeministri i ngarkuar Nikola Gruevski po vazhdon bisedimet mbi formimin e një koalicioni të ri qeverisës. Të enjten, kreu i VMRO-DPMNE takohet me krerët e Bashkimit Demokratik për Integrimin , Partisë Demokratike të Shqiptarëve dhe Partisë për një Të Ardhme Evropiane. Vëzhguesit presin një qeveri të re deri nga mesi i korrikut. (Makfax, MIA, Focus - 02/07/08)