Partitë turke të opozitës ankohen për përgjim telefonash
29/05/2008
ANKARA, Turqi -- Partia Popullore Republikane (CHP), partia kryesore e opozitës dhe Partia e Veprimit Kombëtar kanë akuzuar qeverinë dhe Partinë qeverisëse për Drejtësi e Zhvillim (AKP) për përgjim. Kreu i CHP Deniz Bajkal i tha një konference shtypi të mërkurën (28 maj) se përgjimi nga organizatat shtetërore pengon demokracinë dhe të drejtat e shtetasve. Ai e thirri veprimtarinë e shtypit pasi një gazetë e lidhur me qeverinë botoi të hënën një bisedë fjalë për fjalë midis nënkryetarit të CHP Onder Sav dhe një guvernatori. Ministri i brendshëm Beshir Atalai dhe prokuroria thonë se do të nisin një hetim.
Në lajme të tjera të mërkurën, Amnesty International lëshoi raportin e vet 2008 mbi Turqinë dhe shprehu shqetësim mbi paanshmërinë gjyqësore dhe një rritje të dhunës. Organizata e mbrojtjes së të drejtave të njeriut shprehu gjithashtu shqetësim lidhur me sulmin e Turqisë kundër anëtarëve të Partisë terroriste të Punëtorëve të Kurdistanit. Zyrtarët thonë se dy të tjerë nga ta u vranë të martën vonë në përleshjet me ushtarët në krahinën Van të Turqisë lindore. (Hurriyet - 29/05/08; Anadolu Agency, NTV, Zaman, Turkish Daily Dews - 28/05/08)