Babaçan i Turqisë thotë se nuk ka ngadalësim në përpjekjet e reformës së BE

13/05/2008

HELSINKI, Finlandë -- Ministri i jashtëm turk Ali Babaçan tha të hënën (12 maj) se nuk ka ngadalësim në reformat e Turqisë që kanë për qëllim pranimin në BE. Duke folur me gazetarët në Helsinki, Babaçan paralajmëroi megjithatë se për sa kohë që BE nuk vë një datë të saktë për anëtarësimin e mundshëm të Turqisë, nisma e reformës do të varet kryesisht nga Ankaraja. "Ne jemi zotërit e reformës. Ne besojmë se sa më shpejt të bëjmë reformat aq më të dobishme do të jenë ato për Turqinë. Megjithatë, grafiku kohor dhe datat janë për t'u përcaktuar nga ne," tha Babaçan. Gjatë qëndrimit të tij në Helsinki ai u takua me presidentin finlandez Tarja Halonen dhe kryetarin e parlamentit Sauli Niinisto si dhe me me homologun e tij Aleksander Stub i cili e përshkroi Turqinë si një partner strategjik dhe përsëriti mbështetjen e Finlandës për përpjekjen e Ankarasë. (Sabah, Zaman - 13/05/08; Anadolu news agency, DPA - 12/05/08)