Tarikeanu shpreh shqetësim rreth vdekjes së të burgosurit rumun në burgun polak
10/04/2008
BUKURESHT, Rumani -- Kryeministri Kalin Popesku Tarikeanu shprehu shqetësim të mërkurën (9 prill) rreth vdekjes kohët e fundit të një shtetasi rumun që kishte bërë një grevë urie në një burg polak. Klaudiu Daniel Kruliç u arrestua në dhjetor, dyshuar për plaçkitjen e një gjykatësi në Poloni. Ndërsa ishte në paraburgim, Kruliç këmbënguli se ishte i pafajshëm dhe nisi një grevë urie për të protestuar arrestimin e tij. Familja e tij thotë se ai i dërgoi letra të shumta konsullatës rumune duke i kërkuar ndihmë. Kruliç vdiq në 18 janar, katër ditë pasi një gjykatë lokale vendosi që ai të ushqehet me forcë. Tarikeanu po pret një raport për këtë çështje. "Kam parë se si ambasadat dhe konsullatat e vendeve të tjera mbrojnë interesat dhe të drejtat e shtetasve të tyre. Unë pres që ambasadat rumune...të mbajnë të njëjtin qëndrim," tha ai. (Realitatia, Rompres, Mediafax - 09/04/08)