PDSH kthehet në qeverinë maqedonase
24/03/2008
SHKUP, Maqedoni -- Partia Demokratike e Shqiptarëve (PDSH) vendosi të dielën (23 mars) të kthehet në qeveri, dhjetë ditë pasi njoftoi largimin e saj. Vendimi u muar gjatë një takimi midis kreut të PDSH Menduh Thaçi dhe kryeministrit Nikola Gruevski. Të gjithë ministrat e PDSH do të rimarrin detyrat e tyre me përjashtim të nënkryeministrit Imer Aliu.
"VMRO-DPMNE ranë dakord të formojnë grupe pune që do të punojnë për të gjetur një zgjidhje për për të miratuar një ligj mbi përdorimin e gjuhëve sipas kushtetutës dhe legjislacionit ekzistues si dhe në përputhje me Marrëveshjen Kornizë të Ohrit. Partitë do të mbajnë gjithashtu diskutime...lidhur me viktimat e konfliktit të 2001 në përputhje me legjislacionin si edhe mbi ligjin e flamurëve, sipas kushtetutës," njoftoi PDSH. Partia kishte këmbëngulur se pikpamjet e saj mbi këto çështje qenë shpërfillur. Me Maqedoninë që ende shpreson të marrë një ftesë për në samitin e NATO-s në prill, zyrtarëve u ishte bërë thirrje për unitet. (Untrinski Vesnik, Vecer - 24/03/08; Makfax, ITAR-TASS, A1 - 23/03/08)