NATO rrit praninë ushtarake në Kosovë

24/01/2008

PRISHTINË, Kosovë, Serbi -- NATO po rrit numrin e trupave të veta në Kosovë, tha të mërkurën (23 janar) një zëdhënës për KFOR. Një batalion italian prej 560 ushtarësh ka nisur të vendoset për një mision që mund të vazhdojë deri në krye të marsit. Zëdhënësi tha se trupat do të treinoheshin rregullisht në krahinë por do të demonstronin gjithashtu aftësinë e Aleancës për të dërguar riforcime në misionet e saj anembanë botës.

Më vete, Rumania njoftoi se është gati të dërgojë rreth 175 policë dhe xhandarë në Kosovë si pjesë e misionit të posaçëm të planifikuar të BE për krahinën. Kryeministri serb Vojislav Koshtunica përsëriti të mërkurën se misioni i BE do të ishte "i paligjshëm" pa autorizimin e BE.

Në lajme të tjera, ministri i jashtëm rus Sergej Lavrov paralajmëroi të mërkurën se pavarësia e Kosovës mund të krijonte një reaksion zinxhir në rreth 200 zona rreth e qark globit. "Në qoftë se ne lejojmë dikë të bëjë diçka, shumë të tjerë do të presin të kenë të njëjtin trajtim," tha ai. (AFP, Euronews, DW, Svoboda radio, Mediafax, Beta, RTS, Xinhua, Tanjug, Kosovalive, RFE, RTK, Balkanweb - 23/01/08)