Agim Çeku i Kosovës përsërit synimin për të krijuar parti të re

26/12/2007

PRISHTINË, Kosovë, Serbi --Kryeministri që largohet i Kosovës Agim Çeku tha të hënën (24 dhjetor) se mbetet i vendosur për të krijuar një parti të re politike pasi të lerë detyrën. Njoftimi i Çekut kundërshtoi zërat se se ai mund të bashkohej me Partinë Reformiste të Kosovës (ORA) zëra të cilat u shfaqën të dielën pas dorëheqjes së kreut të ORA, Veton Surroi. "Unë dua që të mbetem në Kosovë gjatë gjithë rrugës, të marr pjesë në proceset dhe të jem në dispozicion të Kosovës," tha Çeku. Ai ka në plan të japë dorëheqjen në janar kur Hashim Thaçi, i cili fitoi zgjedhjet parlamentare të 17 nëntorit, pritet të formojë qeverinë e re.

Në lajme të tjera, shefi i UNMIK Joachim Ruecker do të raportojë në Këshillin e Sigurimit të OKB-së në 8 dhe 9 janar, tha të hënën ambasadori rus në OKB Vitali Çurkin. Ruecker pritej t'i drejtohej Këshillit këtë muaj por u shty për shkak të axhendës së Këshillit. (QIK, RTK, Telegrafi, RFE, Kosovalive, Kosovapress, ITAR-TASS, Xinhua, Blic - 25/12/07; RIA Novosti, Makfax, Balkan Insight - 24/12/07)