Policia serbe arreston ndihmësin e dyshuar të Karaxhiçit
14/12/2007
BEOGRAD, Serbi -- Policia ka arrestuar një figurë kyçe të dyshuar në rrjetin e mbështetësve që mendohet se ndihmojnë ish kreun politik serb boshnjak Radovan Karaxhiç t'i shmanget kapjes. Ljuban Ekim u arrestua së bashku me katër vetë të tjerë në një operacion kundër një rrjeti trafikimi droge. Policia bastisi disa apartamente në Beograd dhe kapi heroinë dhe kokainë me vlerë rreth 1 milion euro, armë, dokumente të fallsifikuara identiteti dhe një shumë të madhe parash. Ekim, një ish punonjës sigurimi është një nga 35 vetët në ish Jugosllavi të ndaluar prej BE për ndihmë të dyshuar për të paditurit për krime lufte. Shtëpia e tij në Bosnje dhe Herzegovinë është kontrolluar disa herë nga paqerruajtësit e NATO-s dhe BE për të kërkuar gjurmë të vendndodhjeve të Karaxhiçit. (Reuters, UPI, RTS, B92 - 13/12/07)