Shqipëria do të ndërtojë centralin e parë nuklear
11/11/2007
TIRANË, Shqipëri -- Shqipëria do të ndërtojë centralin e parë bërthamor mbasi qeveria të miratojë një projekt të kompanisë amerikane Westinghouse, njoftoi të premten (9 nëntor) shtypi shqiptar. Kryeministri Sali Berisha u shpreh se një seri ligjesh do të miratohet shpejt lidhur me regullat e sigurisë të lidhura me prodhimin e energjisë nukleare. Sipas The Guardian, energjia e prodhuar në centralin bërthamor do të përdoret kryesisht për eksport dhe që ta bëjë qeverinë shqiptare një super-shtet rajonal të energjisë. Italia, po ashtu si pjesa tjetër e vendeve të Ballkanit, është përmendur si një nga klientët e mundshëm të centralit të ardhshëm. Kryeministri Romano Prodi pritet të vizitojë Tiranën në 3 dhjetor për të diskutuar planet e centralit bërthamor të Shqipërisë. (BGNES, The Guardian - 10/11/07; MIA - 09/11/07)