SHBA dhe Britania do të lëshojnë nismë tre-palëshe kundër PKK

23/10/2007

UASHINGTON, Shtetet e Bashkuara -- SHBA dhe Britania ranë dakord të hënën (22 tetor) të organizojnë një takim tre-palësh muajin tjetër midis SHBA, Turqisë dhe Irakut që ka për qëllim ndalimin e sulmeve kundër Turqisë nga rebelët e Partisë Punëtore të Kurdistanit (PKK). Në një takim në Uashington, sekretarja e shtetit e SHBA Kondoliza Rajs dhe sekretari i jashtëm vizitues britanik Dejvid Milibend thanë se ata shpresojnë se ministrat nga të tre vendet do të binin dakord të ndiqnin një takim, mënjanë një konference në Stamboll në fund të javës së ardhëshme. Ndërkohë, ministri i jashtëm turk Ali Babaçan vizitoi Bagdadin të martën duke thënë se ai ishte i vendosur për të gjetur një zgjidhje diplomatike për krizën që qeveria e tij planifikon një inkursion ndër-kufitar. BBC raporton një rrugëdalje të mundëshme në këtë përpjekje, duke cituar ministrin e jashtëm iraken Hoshjar Zebari të thoshte se vendi i tij do ta ndihmonte aktivisht Turqinë t'ja dilte "kërcënimit" të PKK. Të hënën, PKK ofroi një armëpushim në qoftë se ushtria turke lë planet për një inkursion në Irak. Kjo veprimtari e fundit pasoi një sulm në fundjavë nga PKK që vrau së paku 12 ushtarë turq pranë kufirit. (Zaman, BBC, Los Angeles Times, The New York Times, AFP, Reuters, AP - 23/10/07; AFP, DPA, Reuters, Voice of America - 22/10/07)