Mesiç dëshiron gjyqin e Gotovinës, Cermak dhe Markac të zhvillohet në Kroaci
07/10/2007
ZAGREB, Kroaci -- Presidenti Stipe Mesiç u shpreh të premten (5 tetor) se tre të akuzuarit kroat për krime lufte -- gjeneralët Ante Gotovina, Ivan Cermak dhe Mladen Markac, të akuzuar për krime lufte që kanë prejardhjen nga Operacioni Furtuna i vitit 1995 -- duhet të përballen me gjyqin në vendin e tyre të vendlindjes. Komenti erdhi mbas dënimeve të diskutueshme të dhëna javën e kaluar kundër të ashtuquajturve "Vukovar Tre" -- ish-gjeneralët e Ushtrisë Jugosllave Mile Mrksiç, Veselin Slijivancanin dhe Miroslav Radiç. Dënimet relativisht të ulta ngjallën protesta midis kroatëve.
Mesiç insiston se Kroacia ka të drejtën të kërkojë që gjyqi i gjeneralëve të Operacionit Furtuna të zhvillohet në Kroaci. Ai u shpreh se sistemi ligjor i vendit është në gjendje të merret "edhe me çështjet më të komplikuara". Presidenti dëshiron gjithashtu që "Vukovar Tre" të gjykohen në Kroaci. Të premten, një gjykatë në Vukovar lëshoi një udhër arresti për një nga të tre, Miroslav Radiç, i cili u la i lirë nga gjykata. (Makfax, B92, Index.hr, HRT - 06/10/07; Javno.com, Tanjug, Vecernji List, MIA, HINA - 05/10/07)