Parlamenti rumun thotë se kthimi ku përfshihet 'Kështjella e Drakulës" ishte i paligjshëm

26/09/2007

BUKURESHT, Rumani -- Ligjebërësit miratuan të martën ( 25 shtator) një raport paraprak i cili përfundon se kthimi i strukturës së famshme të njohur si "Kështjella e Drakulës" ishte i paligjshëm. Vitin e shkuar, vendi tërheqës kyç turistik ju kthye arkidukës Dominik von Habsburg, trashëgimtar i familjes mbretërore rumune, pesë dekada pasi u muar nga regjimi i mëparshëm komunist. Dorëzimi përfshin një marrëveshje sipas të cilës fortesa do të mbahej si një muzeum për tre vjet.

Raporti i së martës, ndërsa nuk kundërshton të drejtën e Habsburgëve për pronësinë, thotë se janë bërë gabime në proceduerën e kthimit. Ai thotë se kështjella duhej të transferohej në pronë private përpara se t'u kthehej të zotëve të mëparshëm. Ligjebërësit thanë gjithashtu se katër trashëgimtarë të tjerë, përveç Dominik von Habsburg, janë të përshtatshëm të trashëgojnë pronën. (Gardianul, Nine o'clock - 26/09/07; Hotnews.ro, BIRN - 25/09/07)