Zjarret shkatërrojnë pjesë të Bullgarisë, kurse Rumania goditet nga stuhitë dhe përmbytjet

27/08/2007

SOFJE, Bullgari -- Të paktën katër njerëz u vranë të dielën (26 gusht) nga flakët e zjarreve që dogjën disa shtëpi. Dy vdiqën në Haskovo dhe dy të tjerë në Svilengrad, ku autoritet lokale kanë shpallur gjendjen e emergjencës. Erëra të forta përhapën flakët drejt kufirit me veriperëndimin e Turqisë.

Ndërkohë Rumania po lufton me shirat e rrëmbyeshëm dhe erërat e stuhishme, mbas valës së nxehtë shkatërruese të javës së kaluar. Dy njerëz vdiqën të dielën, duke përfshirë një fëmijë. Furtunat dhe përmbytjet kanë ndërprerë energjinë elektrike në qendër, veri dhe lindje të Rumanisë. Autoritetet po evakuojnë turistët e gjendur në rrethin e Brashovit. Manastiri historik i Sambata de Sus është shkatërruar keq nga përmbytjet. (Hotnews.ro - 27/08/07; BTA, BGNES, Focus, Darik, ITAR-TASS, Makfax, AFP, Realitatia, AP, News in, BBC - 26/08/07)