Diplomati më i lartë i Nigerisë në Greqi i bën thirrje për qetësi komunitetit të emigrantëve

23/08/2007

ATHINË, Greqi -- Diplomati më i lartë i Nigerisë në Greqi, i ngarkuari me punë Mohammed Sani Dole, i bëri thirrje qytetarëve të vet të rrinë të ruajnë qetësinë të mërkurën (22 gusht) pas vdekjes të një emigranti 25 vjeçar nigerian që ndodhi javën e kaluar. Nigeriani i cili po shiste CD të piratuara në lokalet e Selanikut, u hodh nga një dritare sepse kujtoi se dy burra do ta arrestonin. Incidenti nxiti një seri protestash të komunitetit të emigrantëve nigerianë. Të hënën, demonstruesit në Selanik kërkuan një hetim të incidentit.

Në një demonstratë të veçantë të martën, njerëz nga turma filluan të hidhnin gurë mbi një stacion televiziv lokal, duke shtyrë policinë të përdorë gaz lotsjellës. Dole u takua të mërkurën me shefin e policisë, duke i thënë gazetarëve më pas se ka filluar një hetim dhe kryhen përpjekje për të gjetur dy burrat. (Reuters, Alpha TV, MIA - 22/08/07)