Rumania do të kërkojë mbështetjen e drejtpërdrejtë të KE për fermerët në rastin e fatkeqësisë

14/08/2007

BUKURESHT, Rumani -- Qeveria thuhet se do të dërgojë një memorandum në Komisionin Evropian (KE) për të kërkuar ndihmë për fermerët në rastet e fatkeqësive natyrore. Adrian Kiokanea, kreu i departamentit të çështjeve evropiane, u tha gazetarëve të hënën ( 13 gusht) se kjo do të ishte një kërkesë e përgjithshme në kuadrin e ndryshimeve të motit që priten të prekin të lashtat në vitet e ardhshëm. Ministria e bujqësisë do të përshkruajë çështjet kryesore që do të kërkonin ndërhyrjen e shpejtë dhe mbështetjen nga KE. Kiokanea thotë se Rumania do që të vazhdojë një sistem të ndihmës së drejtpërdrejtë ndaj fermerëve. (Rompres, Nine o'clock - 14/08/07)