Zyrtari i lartë i transformimit i NATO-s viziton Bullgarinë
10/03/2006
SOFJE, Bullgari -- Gjeneral Lance L. Smith, komandanti suprem aleat i transformimit të NATO-s dhe komandant i komandës së përbashkët të forcave të SHBA, nisi një vizitë dy-ditore të premten (10 mars) në Bullgari. Axhenda do të mbizotërohet nga çështje lidhur me bashkëpunimin midis ushtrisë bullgare dhe komandës së transformimit të NATO-s.
Në lajme të tjera, Mark Pekala, zëvendës ndihmësi i sekretarit të SHBA në byronë e çështjeve evropiane dhe aziatike, vizitoi Rumaninë të mërkurën dhe Bullgarinë të enjten. Takimet e tij me zyrtarë të qeverisë u përqëndruan më së shumti në ngritjen e bazave ushtarke të SHBA në territoret e e dy vendeve anëtare të NATO-s dhe në sigurimin në rajonin e Detit të Zi dhe Ballkanit Perëndimor. (BNR - 10/03/06; Bulgarian Government Web site, Nine o'clock - 09/03/06)