Del Ponte thotë se Kroacia nuk bashkëpunon sa ç'duhet

09/06/2005

NJU JORK, Shtetet e Bashkuara -- Kroacia nuk ka bërë aq përparim sa ç'duhet në përpjekjen për të arrestuar të fshehurin Ante Gotovina, thoshte në një raport për Këshillin e Sigurimit lëshuar të mërkurën (8 qershor) kryeprokurorja e OKB-së Karla del Ponte. Ajo i përshkruante përpjekjet e Zagrebit si as të përqëndruara e as bindëse duke shtuar se duheshin disa muaj të tjerë për të përcaktuar në se qeveria do të zbatonte planin e saj të ri për të kapur Gotovinën duke shkatërruar rrjetin e tij mbështetës. Komisioneri i zgjerimit të BE, Olli Rehn lëshoi një deklaratë të vetën duke i kërkuar Kroacisë të "shtonte përpjekjet e saj të fundit" dhe duke vënë në dukje se bashkëpunimi i plotë është çelësi për bisedimet e pranimit. Këto bisedime qenë planifikuar fillimisht për në mars. Sipas një raporti në të përjavshmen kroate Globus, del Ponte i tha një takimi të fundit të OSBE se Gotovina fshihej në Mostar, një qytet më së shumti populluar nga kroatë në Bosnjën dhe Herzegovinën fqinjë. (Bloomberg, EU Observer, Index.hr, Tanjug - 08/06/05)