Dhoma e Përfaqësuesve e BiH miraton legjislacionin e krimeve të luftës
24/09/2004
SARAJEVË, Bosnjë dhe Herzegovinë (BiH) -- Dhoma e Përfaqësuesve miratoi të enjten (23 shtator) një paketë të ndryshimeve gjyqësore lidhur me ndjekjen e krimeve të luftës. Midis tyre janë amendamentet ndaj ligjit mbi gjykatat e BiH , ligjit mbi zyrën e prokurorit , ligjit mbi mbrojtjen e dëshmitarëve të kërcënuar e rrezikuar dhe ligjit mbi transferimin e rasteve nga gjykata e Hagës në zyrën e prokurorit të BiH.
Në lajme të tjera të enjten, Përfaqësuesi i Lartë i komunitetit ndërkombëtar, Pedi Eshdaun u takua me Presidentin e Republikës Serbska (RS) Dragan Çaviç dhe Ministrin e Brendshëm të sapoemëruar të RS, Darko Matijaseviç. Krerët e RS thanë se duan të sigurojnë komunitetin ndërkombëtar se RS është plotësisht e vendosur të përmirësojë marrëdhëniet me gjykatën e Hagës. (FENA - 23/09/04)