Përmbledhje e zgjedhjeve

Serbia mbajti zgjedhjet e parakohëshme parlamentare në 21 janar 2007 pasi koalicioni i pakicës i kryesuar nga kryeministri Vojisllav Koshtunica u prish vjeshtën e mëparshme. Votimi parlamentar ishte i treti për t’u mbajtur që kur regjimi i mëparshëm i Slobodan Millosheviçit u përmbys në tetor 2000. Ai rezultoi në mandatet katërvjeçare për 250 ligjebërës.

Partia Radikale Serbe ultranacionaliste kryesuar nga i padituri për krime lufte i OKB, Vojislav Sheshelj, fitoi më shumë vende se çdo parti e vetme, 81. Në vendin e dytë erdhi Partia Demokratike e orientuar drejt reformave, me 65 vende e ndjekur nga koalicioni Partia Demokratike e Serbisë - Serbia e Re, me 47 vende.

G17 Plus dhe Partia Socialiste e Serbisë morën 19 dhe 16 vende respektivisht ndërsa një koalicion i përbërë nga Partia Demokratike Liberale, Aleanca Qytetare e Serbisë, Bashkimi Demokratik Socialist dhe Lidhja Demokratike e Vojvodinës, mori 15 vende.

Vëshguesit ndërkombëtarë nga OSBE, Asambleja parlamentare e Këshillit të Evropës dhe Asambleja Parlamentare e NATO-s kqyrën votimin dhe po kështu një mision mbikqyrës i ngritur nga Qendra për Zgjedhjet e Lira dhe Demokracinë, një OJQ me bazë në Beograd. Zyrtarët e huaj kryesisht përshëndetën rezultatet duke vënë në dukje se partitë që formonin bllokun demokratik ksihin fituar shumicën e votave. “Një shumicë e serbëve kanë votuar për partitë e orientuar ndaj reformave dhe NATO mirëpret formimin e një qeverie të angazhuar për integrimin e dhe më të thellë evro-atllantik,” tha sekretari i përgjithshëm i NATO-s, Jaap de Hoop Shefer.

Shqiptarët e Kosovës, shumicva e të cilëve nuk qenë regjistruar të votonin, vazhduan bojkotin e tyre ndaj institucioneve politike serbe dhe nuk morën pjesë në zgjedhjet. Megjithatë, partitë shqiptare në Serbinë jugore morën pjesë duke shënuar herën e parë në një dhjetvjeçar që bënë kështu.

Pjesëmarrja e përgjithëshme në votim ishte 60.4%.