Mali i Zi
zgjedhje parlamentare të parakohëshme
22/04/2001
Burimi: Grupi i Krizave Ndërkombëtare
Mali i Zi
Përmbledhje e zgjedhjeve
Mali i Zi zhvilloi zgjedhje parlamentare më 22 prill 2001. Fushata parazgjedhore u mbizotërua prej një debati të nxehtë në lidhje me marrëdhënien e republikës me Serbinë, partneri i vetëm i Malit të Zi në Republikën Federale të Jugosllavisë (FRY). Presidenti malazez Milo Gjukanoviç haptazi mbështeti pavarësinë gjatë fushatës, duke premtuar të organizonte një referendum në lidhje me statusin përfundimtar të republikës, nëse zgjidhej aleanca e tij në pushtet. Një bllok pro-jugosllav u krijua për të luftuar aspiratat e partive të prirura drejt pavarësisë.
Aleanca pro-pavarësisë e Gjukanoviçit, Fitorja është e Malit të Zi, doli prej zgjedhjeve me një fitore të ngushtë, por rezultatet nuk treguan një mbështetje dërrmuese për pavarësinë. Pas një periudhe bisedimesh të vazhdueshme, aleanca Fitorja është e Malit të Zi e Gjukanoviçit krijoi një qeveri pakice me mbështetjen e Aleancës Liberale (LA), deputetët e të cilës janë fuqishëm në favor të pavarësisë. LA e ka bazuar mbështetjen e saj në kushtin që qeveria e re të bëjë përparim të shpejtë drejt një referendumi.
Shënim:
Fitorja është e Malit të Zi është një aleancë pro-pavarësisë, e përbërë prej Partisë Demokratike të Socialistëve (DPS) dhe Partisë Social-Demokratike të Malit të Zi (SDP).
Së bashku për Jugosllavinë është një aleancë pro-jugosllave, e përbërë prej Partisë Popullore Socialiste (SNP), Partisë Popullore (NS) dhe Partisë Popullore të Serbisë (SNS).
 |