Sistemi politik

Bullgaria është një republikë parlamentare e themeluar mbi parimin e ndarjes së pushteteve në legjislativin, ekzekutivin dhe gjyqësorin. Kushtetuta është ligji më i lartë i vendit.

Presidenti

Presidenti është kreu i shtetit dhe ka pushtete të përgjithshme si Komandant i Përgjithshem i ushtrisë dhe Kryetar i Këshillit të Sigurisë Kombëtare. Prerogativat e tij përfshijnë gjithashtu dhënien e dekoratave, emërimin e qyteteve, fshatrave dhe vendeve gjeografikë, shpalljen në Gazetën Shtetërore të ligjeve të miratuar nga Asambleja Kombëtare ku ai ka të drejtën të imponojë vendosjen e një veto të shtyrjes, etj. Presidenti zgjidhjet drejtpërdrejtë nga elektorati, sipas një sistemi të përfaqësimit të shumicës, çdo 5 vjet për një maksimum prej dy mandatesh pesë vjeçarë. Një zëvendës/president ndihmon presidentin.

President: Georgi Parvanov (që nga 22 janari 2002)

Ekzekutivi

Ekzekutivi është prerogativë e Këshillit të Ministrave, i kryesuar nga një kryeministër. Kryeministri zgjidhjet nga Asambleja Legjislative për një mandat katër vjeçar dhe duhet të propozojë një Qeveri. Kryeministri mund të sugjerojë riorganizime personale në qeveri pranë Asamblesë Kombëtare. Kryeministri përcakton dhe emëron guvernatorë rajonalë, që janë organe të Ekzekutivit në njësitë (rajonet) administrative përkatës. Këshilli përbëhet nga të gjithë ministrat dhe kryetarët e komiteteve që janë në të njëjtin nivel si ministritë. Përveç të qënit organi ekzekutiv më i lartë, ai gjithashtu miraton dhe shpall disa akte të legjislacionit të deleguar -- dekrete, urdhëresa, rregullore, rezoluta e udhëzime dhe ka të drejtë që të iniciojë miratimin e ligjeve duke hartuar, shqyrtuar dhe dërguar projekt-ligje pranë Asamblesë Kombëtare. Asambleja Kombëtare mund të hedhë poshtë qeverinë nëpërmjet një votimi të mosbesimit.

Kryeministri: Bojko Borisov

Legjislativi

Legjislatura është përqëndruar në Asamblenë Kombëtare, të zgjedhur sipas një sistemi të përfaqësimit proporcional nga votuesit e përgjithshëm për një mandat katër vjeçar. Asambleja Kombëtare mblidhet në Sofje dhe ka fuqinë sipas Kushtetutës dhe ligjeve të kompetencës së përgjithshme për të miratuar akte statutorë dhe rezoluta, të miratojë deklarata, etj.

Gjyqësori

Gjyqësori përbëhet nga gjyqtarët, prokurorët dhe magjistratët hetues, të cilët emërohen, ngrihen në detyrë, ulen në detyrë dhe shkarkohen nga një [Translator’s note – phrase missing here] është përqëndruar në Këshillin e Lartë Gjyqësor (SJC) me 25 anëtarë. SJC përbëhet nga kryetarët e dy Gjykatave të Larta, Prokurori i Përgjithshëm dhe 22 anëtarë, gjysma e të cilëve zgjidhen nga Asambleja Kombëtare dhe gjysma tjetër nga organet e gjyqësorit për një mandat pesë vjeçar në funksion. Ekzistojnë tre nivelë të rishikimit të çështjes dhe 182 gjykata, për të cilat dy Gjykatat e Larta veprojnë si shkalla e fundit në çështjet civile dhe penale (Gjykata e Lartë e Kasacionit) dhe ankimet ndaj vendimeve qeveritarë (Gjykata e Lartë Administrative).