Konstantinos (Kostis) Stefanopulos
President i Republikës së Greqisë
(Agjencia e Lajmeve e Athinës) |
Konstantinos Stefanopulos fillimisht u zgjodh president i Republikës së Greqisë më 1995 dhe u rizgjodh më 8 shkurt 2000.
Ai lindi në Patra më 1926.
Stefanopolos është avokat. Ai u diplomua për drejtësi në Universitetin e Athinës, me të cilin ai ka qënë lidhur për pjesën më të madhe të karrierës profesionale të tij.
Më 1964, Stefanopulos u zgjodh anëtar i parlamentit grek prej Bashkimit Kombëtar Radikal. Dhjetë vjet më vonë, ai u bashkua me partinë Demokracia e Re (ND) dhe u zgjodh në komitetin qëndror të saj. Atij gjithashtu iu ngarkua funksioni i zëdhënësit të partisë. Më 1985, Stefanopolos u largua nga ND dhe u bë njëri prej bashkëthemeluesve të partisë Ringjallja Demokratike (DHANA). Më 1994, ai e shpërndau DNANA-n dhe vendosi të largohej nga politika, pas dështimit të partisë për të fituar përfaqësim në Parlamentin Europian.
Në mars 1995, Stefanopulos u zgjodh në mandatin presidencial të tij të parë. Ai u propozua për këtë funksion nga partia Pranvera Politike (Politiki Anixi) dhe u mbështet nga PASOK (Lëvizja Socialiste Panhelenike) në pushtet. Në shkurt 2000, parlamenti grek e rizgjodhi atë. Kandidatura e tij u mbështet nga dy partitë politike kryesore në Greqi.
Gjatë karrierës së tij, Stefanopulos ka shërbyer si Ministër i Tregtisë (1974), Ministër i Brendshëm (1974-1976), Ministër i Shërbimeve Sociale (1976-1977) dhe Ministër i Presidencës (1977-1981).