Kulturë dhe shoqëri: filmi rumun midis 100 më të mirëve të dekadës

11/11/2009

Filmi i regjisorit rumun Kristian Mungiu hyn në një listë të shquar. Gjithashtu në lajmet kulturore: mbahen në Zagreb Ditët e Kulturës Serbe dhe në një fshat maqedonas vihet guri i themelit i një memorali të Mustafa Kemal Ataturk.

Regjisori rumun Kristian Mungiu. [Getty Images]

Filmi rumun "Katër muaj, tre javë dhe dy ditë", me regji të Kristian Mungiu, u përfshi në 100 filmat më të mirë të dekadës në një renditje të botuar nga e përditëshmja The Times. Filmi, i cili fitoi Palmën e Artë në festivalin e filmit të Kanës në 2007, u rendit i 14-i në listë.

***

Edicioni i katërt i Ditëve të Kulturës Serbe i hapur në Zagreb të dielën (8 nëntor) është organizuar nga shoqëria kulturore serbe Prosveta dhe paraqet eskpozita, shfaqje, prezantime të romaneve dhe tregimeve.

***

Filmi serb "Herë pas here" me regji të Darko Lungulov mori tre çmime në festivalin Cinema Tous Ecrans i cili u mbajt të dielën (8 nëntor) në Gjenevë. Filmi fitoi çmimin e regjisorit më të mirë, çmimin e kritikës ndërkombëtare dhe çmimin për inkurajimin në shpërndarjen në kinema.

***

Guri i themelit i një memoriali të Mustafa Kemal Ataturk, themelues i Turqisë moderne, u vu në Koxhaxhik, Maqedoni, dikur vendi i shtëpisë të prindërve të tij. Ministrja e kulturës Elizabeta Kançeska-Milevska dhe zëvendës ministri turk i kulturës Nihat Gul, ndoqën ceremoninë. Projekti vlen rreth 650,000 euro.

***

Ministria e kulturës e Kosovës caktoi të enjten (5 nëntor) producenten Burbuqe Berisha si kreun e ri të Tetarit Kombëtar. Berisha është një producente e shquar lokale e shfaqjeve të teatrit, filmave dhe shfaqjeve të TV.

***

Festivali një-javor Ndërkombëtar i Teatrove përfundoi të dielën (8 nëntor) në Prishtinë. Në edicionin e parë të veprimtarisë sponsorizuar nga ministria e kulturës morën pjesë trupa nga Belgjika, Sllovenia, Ukraina, Austria, Maqedonia, Italia dhe vetë Kosova.

***

Bursa, Turqi do të presë edicionin e katërt të Festivalit Ndërkombëtar të Filmit Udha e Mëndafshit nga 14 deri në 22 nëntor, duke shfaqur 140 filma nga 45 vende të botës. Edicioni i këtij viti kremton 95 vjetorin e kinemasë turke.

***

Gjimnastët kroatë fituan pesë medalje në konkurimin e Kupës Botërore në Osijek i cili përfundoi të hënën (9 nëntor). Tijana Tkalçeç fitroi medaljen e argjendtë në finalet e traut dhe Tomislav Markoviç u rendit i dyti në finalet e ushtrimeve të lira për meshkuj. Osijek ishte ndalesa e fundit e rrethit të Kupës Botërore 2009.

(Burime të ndryshme – 05/11/09-11/11/09)