Kulturë dhe shoqëri: kopja e Murit të Berlinit tani në Beograd

04/11/2009

Kopja prej kartoni e Beogradit e Murit të Berlinit shënon 20 vjetorin e rënies së tij. Gjithashtu në lajmet kulturorë: këngëtari i xhazit i Nju Jorkut Majëlls Grifith hap edicionin e pestë të Festivalit të Xhazit të Prishtinës dhe Spliti po pret Ditët e Kulturës Franceze.

Beogradi ka një kopje kartoni të Murit të Berlinit. [Getty Images]

Artisti gjerman Frank Botler ngriti një kopje kartoni të Murit të Berlinit në qendrën e Beogradit për të shënuar 20 vjetorin e rënies së tij. Sipas Botler, Sheshi i Republikës i Beogradit është vendi më i mirë për ndërtimin 3 metra të lartë dhe 14 metra të gjatë, për shkak të konfliktit të viteve 1990 në Ballkan. Kalimtarët mund të shkruajnë grafitë në mur përpara shkatërrimit të tij simbolik të hënën (9 nëntor).

***

Vokalisti i xhazit i Nju Jorkut Majëlls Grifith hapi edicionin e pestë të Festivalit të Xhazit të Prishtinës të dielën (1 nëntor) duke kënduar bashkë me vokalistë sllovenë, serbë dhe austriakë dhe grupin JR5+. Vetëm një grup i Kosovës do të japë shfaqje në veprimtarinë dhjetë ditore, e cila mbizotërohet nga grupe dhe muzikantë xhazi të SHBA dhe Europës Perëndimore.

***

Split, Kroaci, po organizon Ditët e Kulturës Franceze dhe Mbrëmjen e 16-të Këngës nga e enjtja (29 tetor) deri të dielën. Veprimtaria shfaq filma, leksione, ekspozita dhe diskutime teatri. Ajo është organizuar nga disa institucione kulturore në Kroaci e jashtë vendit dhe u mbështet nga Ambasada franceze në Zagreb.

***

Dokumentari "Mirupafshim, si je?" i regjsorit serb Boris Mitiç, fitoi çmimin për filmin më të mirë me metrazh të mesëm në Festivalin e 5-të Ndërkombëtar të Filmit Dokumentar të Qytetit të Meksikos, DOCSDF. Deri në 148 filma nga më shumë se 40 vende u shfaqën në festival, i cili u zhvillua nga 15 deri më 24 tetor.

***

Një palë këpucë që i përkisnin legjendës së pop-it, Madonës u shitën për 10,000 euro në një mbrëmje bamirësie të Hallouinit në Bukuresht të shtunën (31 tetor). Këngëtarja vendosi të nxjerë në ankand një nga palët e saj të preferuara të këpucëve të Kristian Dior për të mbledhur fonde për arsimin e fëmijëve të varfër në Rumani.

***

Një Festival i Teatrit Kombëtar u hap të shtunën (31 tetor) në Bukuresht. Veprimtaria paraqet 90 veprimtari të ndryshme duke përfshirë 21 shfaqje teatri, paraqitje librash dhe konferenca. Ajo përfundon më 8 nëntor.

***

Ministritë e kulturës të Serbisë, Bosnjë dhe Herzegovinës, Malit të Zi dhe Kroacisë ranë dakord në Sarajevë të hënën (2 nëntor) që të punojnë së bashku për të përfshirë gurët mesjetarë të varreve të njohur si "steçi" në listën e trashëgimisë botërore të UNESKO. "Steçi" janë të përhapur anembanë rajonit. Ato janë të shquara për motivet dekorativë të tyre, që përfshijnë spirale, rozeta, gjethe hardhie dhe rrush. Origjina e tyre besohet të datojë në shekullin e 12-të dhe të jetë e lidhur me Kishën Boshnjake.

(Burime të ndryshëm – 28/10/09-04/11/09)