Kulturë dhe shoqëri: mbahet në Bukuresht koncerti i Pashkëve

22/04/2009

Mijra vetë festuan Pashkët në kryeqytetin rumun në një koncert feste. Gjithashtu në lajmet kulturore: jep dorëheqjen traineri i ekipit kombëtar shqiptar të futbollit dhe një lojtar serb i tenisit ndan një titull dysheje në një turne në Monte Karlo.

Sopranoja spanjolle Monserat Kabale dha shfaqje në koncertin e Pashkëve në Bukuresht. [Getty Images]

Mbi 5,000 vetë ndoqën një koncert pa pagesë të Pashkëve në Bukuresht të dielën (19 prill). Veprimtaria, organizuar nga qeveria e qytetit, mblodhi sopranon spanjolle Monserrat Kabale, këngëtarin italian të pop-it, Albano Karrizi dhe këngëtarin rumun Marsel Pavel. Ata dhanë shfaqje nën shoqërimin e orkestrës simfonike të Bukureshtit, dirigjuar nga Konstandin Adrian Grigore.

***

Qendra Kërkimore me bazë në Stamboll për Historinë Islamike, Artin dhe Kulturën (IRCICA) nisi një konkurim ndërkombëtar kaligrafik kushtuar mjeshtrit të njohur sirian të kaligrafisë. Muhamet Badavi al-Dirani, raportoi në 14 prill zgjensia e lajmeve Anadolu. Afati përfundimtar për regjistrimin është 30 tetor, njoftoi IRCICA.

***

Traineri i ekipit shqiptar të futbollit Ari Han dha dorëheqjen në 15 prill pas një serie rezultatesh të këqia në kualifikueset e Kupës Botërore 2010. Shqipëria u rendit e parafundit në grupin e saj kualifikues. Han e mori ekipin kombëtar në janar 2008 dhe e udhëhoqi atë ne vetëm një fitore në shtatë ndeshje.

***

Të krishterët ortodoksë anembanë Ballkanit shënuan Pashkët të shtunën (18 prill). Qindra mijra mbanin qirinj që simbolizonin "zjarrin e Shenjtë" nga kishat tek shtëpitë e tyre në mesnatë, duke besuar se kjo do të sjellë një dritë në shtëpitë e tyre gjatë gjithë vitit.

***

Nenad Zimonjiç i Serbisë dhe Daniel Nestor i Kanadasë fituan dyshen për meshkuj në turneun e tenisit Rolex Masters në Monte Karlo, duke mundur vëllezërit e SHBA Majk dhe Bob Brajan të dielën (19 prill). Kjo ishte fitorja e tretë e Zimonjiç në Monte Karlo.

***

Vrapuesit konkuruan në Garën Ndërkombëtare të Rrugës Banja Luka 2009 të martën (21 prill), një ditë përpara përvjetorit të çlirimi të qytetit në Luftën e Dytë Botërore. Mijra spektatorë u rreshtuan rrugëve të kryeqytetit të Republika Srpska për të brohoritur për 2,500 atletët.

***

Viktor Pashkov, një nga shkrimtarët më të shquar bashkëkohorë të Bullgarisë, vdiq të premten (17 prill) në moshpn 59 vjeç në Bernë, Zvicër. Në kohën që vdiq ai po punonte si një këshilltar i ambasadës bullgare në Gjermani. Pashkov është autor i shumë librave dhe skenarëve duke përfshirë vepra të tilla fituese çmimesh si "një balladë për Georg Henig", "Vrasësit rinorë" dhe "Autopsi e një afere dashurie".

(Burime të ndryshme – 15/04/09-22/04/09)