Ditari diplomatik: zyrtari i KE në Sofje për të diskutuar PHARE

09/12/2008

Drejtori i përgjithshëm i zgjerimit në BE, Michael Leigh është në Sofje. Gjithashtu në lajmet diplomatike këtë javë: kryeministri maqedonas Nikola Gruevski vziitoi Poloninë dhe ministri i mbrojtjes i Shqipërisë Gazmend Oketa ishte në Uashington.

Nënkryeministrja bullgare Meglena Plugçieva (majtas) përshëndet drejtorin e përgjithshëm të zgjerimit në KE, Michael Leigh në Sofje të hënën (8 dhjetor). [Getty Images]

Drejtori i përgjithshëm i zgjerimit në Komisionin Evropian (KE), Michael Leigh arriti në Bullgari të hënën (8 dhjetor) në një përpjekje për të reduktuar tensionet pas tërheqjes nga KE të dy agjensive akreditimi që menazhojnë paratë e PHARE. Masa shpuri në humbjen e 220 milion euro fonde për Bullgarinë. Sofja akuzon KE për standarde të dyfishta dhe për shfrytëzim të Bullgarisë në zgjedhjet e ardhshme për Parlamentin Evropian dhe një komision të ri në qershor 2009.

***

I dërguari i OKB-së në bisedimet e emrit midis Greqisë dhe Maqedonisë, Matthew Nimetz u takua jo zyrtarisht të premten (5 dhjetor) me përfaqësuesin e ri të Maqedonisë në bisedimet, Zoran Jolevski. Ata diskutuan planet për raundin tjetër të diskutimeve midis Athinës e Shkupit ndonse data e saktë është e paqartë.

***

Belgjika do të zgjasë afatin e kufizimeve të tanishme ndaj punëtorëve bullgarë e rumunë në tregun e saj të punës me tre vjet të tjera, njoftoi të premten (5 dhjetor) ministrja e punësimit Joelle Milquet. Ajo përmendi "krizën ekonomike" dhe "rrezikun e rritjes së papunësisë" si arsye. Kufizimet skadojnë në 31 dhjetor 2011. Bullgarët dhe rumunët mund të punojnë në Belgjikë por vetëm në rajone ku mungon fuqia punëtore.

***

Kryeministri maqedonas Nikola Gruevski u takua të shtunën (6 dhjetor) me homologun e tij polak Donald Tusk në Gdansk. Ata diskutuan marrëdhëniet e ndërsjellta dhe rrugët për të rritur bashkëpunimin. Tusk mbështet përpjekjen e Shkupit për t'u bashkuar me BE. Gruevski e informoi atë mbi përparimin e Maqedonisë në reformat e lidhura me Bashkimin.

***

Ministri shqiptar i mbrojtjes Gazmend Oketa ishte në Uashington për të diskutuar lidhjet e ndërsjellta ushtarake të enjten (4 dhjetor). Shtetet e Bashkuara i kërkuan Shqipërisë të vazhdojë pjesëmarrjen në misionet paqeruajtëse në Afganistan e Irak, tha Oketa pas takimit me nënsekretarin e mbrojtjes Gordon England.

***

Presidenti bullgar Georgi Parvanov u zotua për mbështetjen e vendit të tij për proceset e integrimit të Shqipërisë në BE dhe NATO, në një takim me kryeministrin shqiptar Sali Berisha të mërkurën (3 dhjetor) në Tiranë. Të dy krerët ranë dakord se marëdhëniet e ndërsjellta janë të shkëlqyera. Berisha tha se Shqipëria po ndjek shembullin e Bullgarisë si një vend që arriti me sukses të integrohet në BE dhe NATO.

(Burime të ndryshme -- 02/12/08-09/12/08)