Kulturë dhe sporte: suksesi rumun në Kanë

28/05/2008

Një film i shkurtër nga Rumania fitoi Palmën e Artë në festivalin e 61-të të filmit të Kanës. Gjithashtu këtë javë: një mundës bullgar i sumo-s fiton Kupën e Perandorit të Japonisë dhe Zagrebi pret festivalin e 25-të të Javës së Vallëzimit.

Regjizori rumun Marian Krisan. [Gabriel Peresku]

Filmi i shkurtër i regjizorit rumun Marian Krisan, "Megatron", fitoi Palmën e Artë në Festivalin e 61-të të Filmit në Kanë, mbajtur nga 14 maj deri të dielën (25 maj). "Dëbora" nga regjizorja boshnjake Aida Begiç, fitoi çmimin e madh të Javës së Kritikëve. Aktorja e lindur në Kosovë, Arta Dobroshi fitoi një përzgjedhje për rolin më të mirë për femrat në "Heshtja e Lornës" me regji të Jean-Pierre dhe Luc Dardene, që fitoi skenarin më të mirë.

***

Kotooshu i Bullgarisë u bë i pari evropian që fiton Kupën e Perandorit Japonez në turneun e madh të sumo-s në Tokio, të shtunën (24 maj). Kotooshu fitoi titullin me një pikavarazh 13-1. Ai është i shtati i huaj që fiton Kupën e Perandorit.

***

Studentët e turqishtes nga 110 vende po marrin pjesë në Olimpiadën e 6-të Ndërkombëtare të Gjuhës Turke që u hap të premten (23 maj) në Ankara. Pjesëmarrësit konkurruan në 13 kategori duke përfshirë bisedimin, shkrimin, gramatikën, të kënduarit, recitimin poetik, kulturën e përgjithshme dhe shkrimin e artikujve.

***

Panairi Ndërkombëtar i Ekonomisë, Bujqësisë, Ushqimit dhe Turizmit, "Ditët e Qershisë 2008" u hap në Mostar, Bosnje dhe Herzegovinë (BiH), të premten (23 maj). Më tepër se 150 ekspozues nga BiH dhe vendet fqinjë morën pjesë në veprimtari. Shoqata e prodhuesve të BiH për prodhimet organike, "Organic", është sponsori kryesor.

***

Nisi të hënën (26 maj) në Zagreb festivali i 25-të i Javës së Vallëzimit, me shfaqjen "La Pudeur des Icebergs" nga kompania kanadeze Daniel Leveille Danse. Festivali që paraqet 12 kompani nga pesë kontinente do të tregojë prirjet më të fundit koreografike. Festivali mbyllet të martën.

***

Një veprimtari që nxit përdorimin e alfabetit cirilik u mbajt të hënën (26 maj) në sheshin Maqedonia të Shkupit. Veprimtaria është pjesë e fushatës "Për aq sa unë shkruaj me cirilike, ekzistoj!" që po zhvillohet nga 10 qershori.

***

Manjati shqiptar Dritan Hoxha, 40 vjeç, i cili zotëronte kompaninë më të madhe të medias, Top Media, vdiq të premten (23 maj) në një aksident me makinë në Tiranë. Perandoria e korporatës së Hoxhës përfshin televizionin Top Channel dhe kanalin e lajmeve 24-Hour.

(Burime të ndryshme – 21/05/08-28/05/08)