Greqia e paralizuar nga greva mbarë-kombëtare

11/03/2010

ATHINE, Greqi -- Mijëra punonjës lanë punën të enjten (11 mars), greva e tretë e përgjithshme 24-orëshe brenda një muaji. Veprimi, i organizuar nga dy sindikatat më të mëdha në protestë ndaj masave shtrënguese, po prek zyrat qeveritare, spitalet publikë dhe shkollat, zyrat e taksave dhe grumbullimin e plehrave. Pjesëmarrja në të e kontrollorëve të trafikut ajrorë ka bërë që të ndalen fluturimet që hyjnë dhe që dalin. Shërbimet e transportit të anijeve kanë ndalur, si dhe transporti publik si në Athinë, ashtu edhe në Selanik. Gazetarët janë në grevë gjithashtu, kështu që nuk ka transmetime të reja. Një takim në qendër të Athinës u ndoq nga disa mijëra vetë, që marshuan drejt parlamentit. Policia e posatçme përfundoi në përleshje me disa dhjetra të rinj me kapuçë, që hodhën një bombë zjarri dhe sende të tjera ndaj policëve që ruanin një takim pranë Universitetit Politeknik të Athinës. (AFP, BBC, News In, AP - 11/03/10)

Kjo përmbajtje është autorizuar nga SETimes.com.

Voto

Ne mirëpresim komentet tuaja lidhur me artikujt e SETimes.

Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.