Gjenerali i lartë i SHBA viziton Turqinë për bisedime mbi luftën ndaj terrorizmit dhe PKK

04/07/2008

ANKARA, Turqi -- Gjenerali Xhejms Kartrajt, nënkryetar i shefave të përbashkët të shtabeve të SHBA arriti të enjten (3 korrik) në Ankara për të diskutuar luftën kundër terrorizmit duke përfshirë operacionet kundër Partisë së jashtëligjëshme të Punëtorëve të Kurdistanit (PKK). Ambasada e SHBA thotë se Kartrajt u takua me shefin e shtabit të përgjithshëm të Turqisë, gjeneralin Jashat Bujukanit dhe zëvendësin e tij gjeneral Ergin Sajgun. Kjo është vizita e tretë e Kartrajt në Ankara që nga nëntori 2007. Turqia, mbështetur nga shërbimet e inteligjencës ushtarake të SHBA, ka kryer për muaj të tërë operacione ushtarake kundër bazave të PKK në Irakun e veriut.

Në lajme të tjera, shtabi i përgjithshëm turk njoftoi se vendpushimi bregdetar i Antalias do të presë një takim tre-ditor të shefave të shtabeve të vendeve të Ballkanit diuke filluar nga e diela. Do të marrin pjesë zyrtarë nga Turqia, Shqipëria, Bosnje dhe Herzegovina, Bullgaria, Mali i Zi, Maqedonia, Rumania, Serbia dhe Greqia, si edhe delegacione të NATO dhe BE. (Zaman, Turkish Daily News - 04/07/08; AFP, Hurriyet - 03/07/08)