Nga karburanti nga algat e deri te turizmi i gjuetisë, grekët bëjnë që risitë të funksionojnë

18/08/2012

Ide alternative mund ta rimëkëmbin ekonomikisht Greqinë.

Nga Andy Dabilis për Southeast European Times në Athinë -- 18/08/12

John Sporidis-Antoniadis (i treti nga e majta) me çmimin nga Dhoma e Tregtisë Amerikano-Greke për garën "Le të bëjmë risitë të funksionojnë". [Andy Dabilis/SETimes]

Për disa në Greqi, kriza e vazhdueshme financiare nuk i ka ndaluar ata që të mendojnë dhe të ecin përpara. Që nga fitimi i garës fituar "Le të bëjmë risitë të funksionojnë" këtë pranverë, John Sporidis-Antoniadis dhe Panajotis Panajotopulos kanë vënë propozimin e tyre në jetë për të prodhuar biomasë nga algat me një vlerë të lartë kalorifike për përdorim si lëndë djegëse alternative.

Konkursi, i sponsorizuar nga Dhoma e Tregtisë Amerikano-Greke, i dha dyshes më shumë se 80 000 euro për idenë e tyre.

"Konkurrenca ishte e rëndësishme për ne. Ishte një sasi e mirë parash, por dhoma na vuri në kontakt me një numër njerëzish brenda dhe jashtë vendit për t'u zgjeruar jashtë vendit," tha Sporidis-Antoniadis për SETimes.

Konkursi lindi nga një ide e ngjashme në Irlandë, tha drejtori ekzekutiv i dhomës Elia Spirtounias.

"Ne ishim në kërkim për të bërë diçka të ndryshme, të njihnim njerëz të cilët prodhojnë ide të mira," tha ai për SETimes. Por, tha ai, konkurruesit duhet të prodhonin diçka që mund të funksionojë menjëherë. "Ne nuk donim të kishim vetëm ide, ne kërkonim plane të mundshme biznesi për Greqinë".

"Ky konkurs është një nismë e Dhomës së Tregtisë Amerikano-Greke për të nxitur sipërmarrjen dhe kalimin nga errësira e sotme drejt optimizmit të ardhshëm të Greqisë", tha përSETimes Jano Gramatidis, presidenti i dhomës.

Sporidis-Antoniadis tha se kompania e tij ka një listë fabrikash dhe industrish që duan të përdorin biomasën e algave për të zëvendësuar drurin dhe qymyrin, sepse ajo digjet në mënyrë më efikase.

Propozimi i Christofyllis Douralis për të përdorur të ashtuquajturin multi-cisternat për të zëvendësuar fuçitë për transportimin e mallrave, duke lejuar ripërdorime të shumta, fitoi në kategorinë e energjisë së gjelbër.

"Ne po flasim tani me disa investitorë potencialë për shkak të mundësive që na dha dhoma", tha ai përSETimes. Ai tha se konkurrenca ka mundësuar gjithashtu që kompanitë dhe sipërmarrësit grekë të largonin imazhin e grekëve si dembelë dhe si një vend plot me korrupsion dhe paaftësi.

"Ka shumë mendje interesante që punojnë në sektorë të ndryshëm ... dhe shumica e tyre janë duke u përpjekur për të gjetur mënyra për të realizuar idetë apo projektet e tyre jashtë Greqisë, sepse brenda Greqisë nuk kishte institucione për t'i ndihmuar ata", shtoi ai.

"Ky nuk është një problem i mentalitetit grek, por i sistemit financiar, i cila varet nga bankat dhe jo nga fondet e kapitaleve të investimit për të financuar fillimin e bizneseve". Propozimi multi-cisternë i tij, tha ai, ka tërhequr interes nga kompani transporti, sepse ato janë të ripërdorshme, zvogëlojnë hapësirën e magazinimit, konsumin e naftës dhe ndotjen.

Propozimi për transportin e anijeve nga Inasco Hellas ishte për përdorimin e fibrave të karbonit me performancë të lartë për të reduktuar peshën, ndërsa fituesi i turizmit hodhi idenë e një hoteli, zone gjuetie në Greqinë veriore dhe të një ferme.

Artikuj që kanë lidhje

Spirtounias tha se dhoma do ta organizojë konkursin çdo dy vjet që tani e tutje dhe se fituesit i kërkohet të hartojë një raport javor për përparimin e investimit.

"Ne kemi pasur disa ide shumë të mira, por njerëzit nuk dinin se si t'i paraqisnit ato", tha ai, duke shtuar se konkurrenca, e cila kërkoi vetëm aplikim elektronik, siguroi dorëzimin e planeve të biznesit dhe këshillave.

"Sektori privat grek është i gatshëm të ecë përpara. Ka shumë ide të mira, me njerëz të mirë-arsimuar, të gatshëm të ecin përpara ... në çdo recesion, ka gjithmonë mundësi. Çështja është që të jesh mjaft i fortë për të gjetur ata" tha Sporidis -Antoniadis për SETimes.

Kjo përmbajtje është autorizuar nga SETimes.com.