Gjykata e OKB-së i jep Haradinajt lirim të përkohshëm

09/05/2012

Ish-Kryeministri i Kosovës Ramush Haradinaj do të kthehet në Kosovë pasi gjykata e krimeve të luftës e OKB-së pranoi kërkesën e tij për lirim të përkohshëm.

Nga Linda Karadaku për Southeast European Times në Prishtinë -- 09/05/12

Ish-Kryeministri i Kosovës Ramush Haradinaj (djathtas) u lirua nga të gjitha akuzat për krime lufte katër vjet më parë, përpara sesa të rigjykohet për akuza të pjesëshme. [Reuters]

Prokurorët në Hagë nuk e apeluan vendimin e së martës (8 maj) për t'i dhënë lirim ish-Kryeministrit të Kosovës Ramush Haradinaj, që do të thotë se ai mund të kthehet ditën tjetër ose aty afër. Rigjykimi i krimeve të luftës për të dhe dy ish-luftëtarë të tjerë të UÇK-së pritej tashmë të bënte një hap të madh përpara drejt përfundimit muajin e ardhshëm, pas një vendim më vete, vendimtar nga gjykata e OKB-së.

Gjyqtarët kishin vendosur të caktonin deklaratat me shkrim të mbylljes për rastin më 11 qershorit, pasuar nga seancat përfundimtare të 25 e 26 qershorit. Mediat e Kosovës njoftuan se gjyqtarët ranë dakord javën e kaluar që çfardo të ndodhë, shfaqja e dëshmitarëve nuk do të ndikojë në planin kohor të gjyqit. Kjo është e rëndësishme, sepse lirimi i Haradinajt më 2008 u hodh poshtë mbi bazën e frikësimit të dëshmitarëve.

Zëdhënësja e gjykatës, Nerma Jelasiç tha se rigjykimi ishte urdhëruasr nga Dhoma e Apelit për të lejuar që prokurorët të thërresin dëshmitarët kryesore, dëshmitë e të cilëve nuk ishin siguruar në nivelin e gjyqit. "Ishte pra e rëndësishme për hir të procedimeve të rregullta që rigjykimi të bëhej, por të bëhej në një mënyrë të tillë që të garantonte të drejtën e të akuzuarit për një gjykim të shpejtuar," tha Jelaçiçi për SETimes.

Majkëll O'Railli, koordinatori i avokatëve të Haradinajt, thotë se rigjykimi "tani efektivisht ka përfunduar. Një nga të bashkë-të-akuzuarit me Z. Haradinaj mund të dëshirojë të thërrasë një dëshmitar, një ekspert mjekësor. Por përveç asaj mundësie, as Z. Haradinaj, as i bashkë-akuzuari tjetër i tij nuk do të thërresin dëshmitarë, siç ishte rasti në gjyqin fillestar," tha O'Railli për SETimes.

Kjo lë vetëm paraqitjet përfundimtare me shkrim e gojë. "E gjithë kjo do të përfundojë deri në fund të qershorit. Nuk dihet se kur gjykata do të japë vendimin e saj, por duket krejt e mundshme tani se kjo nuk do të jetë deri pas pushimeve të gushtit," shtoi O'Railli. Rigjykimi nisi në gusht 2011.

Gazeta e Kosovës Koha Ditore njoftoi më 3 maj se trupi i gjyqtarëve nuk do të ftojë si një dëshmitar këtë rradhë Zoran Stiojoviç, një ish-oficer i shërbimit të sigurimit serb në Kosovë, sepse bashkë-të-pandehurit e Haradinajt -- Idriz Bala e Lahi Brahimaj -- nuk dëshirojnë të ushtrojnë të drejtën e tyre për t'a pyetur atë. Stiojoviçi ka dëshmuar më parë si një dëshmitar i prokurorisë.

Partia e Haradinajt, Aleanca për Ardhmërinë e Kosovës, e cila festoi 12 vjetorin e saj javën e shkuar, e konsideron Haradinajn një hero që ka zgjedhur interesat e vendit e të kombit mbi ato të familjes së tij.

Artikuj që kanë lidhje

Një nga udhëheqësit më të lartë të UÇK-së tashmë të shpërbërë gjatë luftës së 1998-1999, ai u padit fillimisht në mars 2005 ndërsa ishte kryeministër. Ai dha dorëheqjen dhe shkoi në Hagë vullnetarisht për t'u përballuar me akuzat.

Më 2008, Haradinaj u lirua nga të gjitha 37 akuzat për krime lufte, duke përfshirë vrasje, përdhunim e persekutim.

Por në gusht 2011, ai e bashkë-të-pandehurit me të ishin subjekte të një rigjykimi të pjesshëm të pashembullt, të akuzuar për kryerje "krimesh nëpërmjet një ndërmarrje të përbashkët kriminale" në zonën e Dukagjinit të Kosovës perëndimore.

Krimet e dyshuara kundër civilëve në vend përfshinë ngacmim, dëbim ose transferim të detyruar të civilëve, burgim, torturë, vrasje, përdhunim, rrëmbim e trajtim shnjerëzor, sipas faqes në internet Justice Portal të Hagës.

Kjo përmbajtje është autorizuar nga SETimes.com.