Ekipet e përbashkëta të policisë Serbi-Mali i Zi rrisin sigurinë

12/03/2012

Të dy vendet trajtojnë krimin në rritje pa kufij që mund të vërë në shënjestër turistët gjatë sezonit të verës.

Nga Drazhen Remikoviç për Southeast European Times në Podgoricë -- 12/03/12

photo

Një njësi e posatçme e policisë malazeze trajnohet në Podgoricë. [Reuters]

Policia serbe e malazeze ranë dakort që të patrullojnë bashkërisht bregun malazes gjatë sezonit të ardhshëm turistik, si dhe të formojnë ekipe për të luftuar krimin e organizuar në shembullin më të fundit të bashkëpunimit rajonal policor.

"Dëshirojmë që të tregojmë se bashkëpunimi policor mes të dy vendve është thelbësor [për të penguar krimin]," tha Shefi i Policisë së Serbisë Millorad Veljoviç.

Zëdhënësi i policisë së Malit të Zi Radomir Radunoviç tha për SETimes se liria e lëvizjes e kriminelët që nuk i shohin kufijtë si pengues e bëjnë të nevojshë një metodë të tillë.

"Ajo përfshin shkëmbimin e përvojës policore, trajnimin profesional për anëtarët e të dy [forcave] policore e ndihmën me hetimet," tha Radunoviçi.

Pronari i agjencisë turistike të Podgoricës Liky Turs, Zheljko Likoviç është mes shumë punonjësve të turizmit që e mirëpriti marrëveshjen e policisë për të bashkëpunuar.

"Eshtë shumë e rëndësishme që vizitorët tanë të ndihen të sigurtë në Malin e Zi. Nuk do të them se Mali i Zi është i pasigurtë, por ky veprim është i rëndësishëm për qëllimin e parandalimit, në mënyrë që njerëzit kanë dikë që t'i kërkojnë ndihmë po të jetë e nevojshme," tha Likoviçi për SETimes.

Liky Turs rregjistroi më shumë se 2,000 turistë nga Serbia vitin e kaluar e Likoviçi pret një numër edhe më të madh pushuesish serbë këtë vit.

Banori i Beogradit Dragan Samolov, 43 vjeç, tha se familja e tij pushon çdo vit në qytetin malazez të Kotorrit e nuk ka patur kurrë ndonjë problem të lidhur me sigurinë.

"Gjatë gjithë këtyre viteve, kam parë të rinj, që e kanë gjakun pak më të nxehtë se i yni, i njerëzve më të vjetër, që zihen ndonjëherë. Kjo nuk është ndonjë gjë e madhe: ndodh kudo," tha Samolovi për SETimes.

Samolovi shpjegoi se disa kohët e fundit mbanin armë të fshehura e policia do të bënte mirë t'a trajtonte çështjen. "Megjithatë, duke vizituar Malin e Zi për dy dekada, nuk kam parë ndonjë zënkë ku të përfshihen armët."

Zyrtarët thonë se marrëveshja mbështetet mbi bashkëpunimin në vazhdim mes forcave policore serbe e malazeze.

Radunoviçi shtoi se Mali i Zi është i hapur për bashkëpunim në një mënyrë të ngjashme me forca të tjera policore rajonale.

Puna e përbashkët policore nuk është e re për policinë kroate, që ka zbatuar projektin e Sezonit të Sigurtë Turistik me forca policore nga Sllovenia, Hungaria, Austria, Republika Çeke e Gjermania.

Hungarezët përbëjnë numrin më të madh të policëve vizitues në Kroaci, sepse një numër i madh turistësh hungarezë pushojnë rregullisht në bregun kroat. Dyzet policë hungarezë patrulluan bregun kroat me kolegët e tyre kroatë verën e kaluar.

Policia kufitare e Bosnjë dhe Hercegovinës ka punuar gjithashtu bashkërisht me homologët kroatë të saj. Ata patrullojnë pikërisht përgjatë Lumit Sava, që përbën një kufi mes të dy vendeve.

Artikuj që kanë lidhje

Loading

Ngjashmërisht, policia e Kosovës ka bashkëpunuar me policinë shqiptare prej dy vitesh, duke përforcuar bashkërisht sigurinë rrugore gjatë sezonit të verës në Shqipëri, ku pushojnë shumë shqiptarë të Kosovës.

Profesori i Fakultetit të Sigurisë e Mbrojtjes të Banja Lukës, Predrag Çeraniç tha për SETimes se puna e përbashkët policore është një formë e shkëlqyer e bashkëpunimit, duke ditur se kriminelët po përshtaten e riorganizohen rajonalisht për t'ia hedhur policisë.

"Kriminelët bashkëpunojnë me homologët e tyre nga vendet fqinjë kështu që është thelbësore që policia të bashkëpunojë po ashtu [për të qenë në gjendje që t'u kundërvihet atyre]. Kjo do të bëhet një prirje në rajon e do të jetë përfundimisht më vështirë për kriminelët në kushte të tilla," tha Çeraniçi.

Veljoviçi sugjeroi që forcat e policisë t'a vazhdojnë prirjen në rajon e përtej. "Dëshirojmë që bashkëpunimi policor mes Serbisë e Malit të Zi të përdoret si një shembull për mbarë rajonin e ndoshta në Evropë si një e tërë."

Kjo përmbajtje është autorizuar nga SETimes.com.
Loading
Voto
 
 

Ne mirëpresim komentet tuaja lidhur me artikujt e SETimes.

Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.

Politika e komenteve të SETimes

Reportazh

BE ndryshon qasjen e vet ekonomike ndaj BallkanitBE ndryshon qasjen e vet ekonomike ndaj Ballkanit

Bashkimi vendos kritere të reja për anëtarësimin e vendeve kandidate dhe kandidatëve të mundshëm.

Më popullor

Loading
Loading
Loading

Anketë

Autoritetet e BiH po kopjojnë një model nga Kroacia për të identifikuar dhe proceduar mashtruesit e taksave. Do të jetë ndihmuese një përpjekje e tillë për vendin tuaj?

Po
Jo
Nuk e di