Sindikata e Arsimit e Kosovës kërkon standarte më të larta

14/11/2011

Më tepër fonde dhe paga më të larta janë vetëm disa nga kërkesat e Sindikatës.

Nga Linda Karadaku për Southeast European Times në Prishtinë – 14/11/11

photo

Ky vit shkollor në Kosovë nisi pa protesta të mësuesve, por me shumë kërkesa nga Sindikata e Arsimit e Kosovës. [Reuters]

Një nga çështjet kryesore për arsimin e Kosovës mbetet infrastruktura e shkollave. Ndërsa autoritetet premtuan të bënin më shumë, një grup prindërish e morën punën në duart e tyre dhe restauruan krejtësisht një shkollë fillore në Deçan, Kosova perëndimore.

Duke ndjekur një kërkesë nga mësuesja Fatmire Gjikokaj, prindërit restauruan shkollën Lidhja e Prizrenit. "Të gjithë pranuan kërkesën time dhe ja tek është; tani klasa është për bukuri," tha Gjikokaj për mediat e Kosovës.

Klasa e saj dhe tetë të tjera të shkollës fillore në Deçan u restauruan nga prindërit, njoftoi e përditëshmja e Kosovës Express. Drejtori i shkollës Fahri Lokaj tha se e gjithë ngjarja nisi me një nismë që pasoi një memorandum të nënshkruar me USAID në korrik.

"USAID e vuri re sesa seriozë jemi dhe vendosi të formojë një klasë shembull si model, në bashkëpunimin me komunitetin, [për të treguar] një klasë shembullore për mësimdhënien moderne," tha Lokaj për Express.

Rreth 430,000 nxënës nisën vitin e ri shkollor në 1,151 shkolla fillore e dytësore, bashkë me 23,000 mësues.

Komisioni i Lartë i Ministrisë së Arsimit të Kosovës inspektoi së pari të gjitha shkollat për të siguruar klasat e duhura dhe terrenet e tjera shkollore, bashkë me një numër të mjaftueshëm mësuesish.

Viti shkollor në zonat e shumicës serbe nisi me programe nga Republika e Serbisë, tha për SETimes Ministria e Arsimit e Kosovës.

Dhe për herë të parë, viti nisi normalisht.

"Ky është viti i parë shkollor që nisi pa protesta dhe kërkesa nga sindikatat, pasi mësuesit u trajtuan me dinjitet sepse qeveria rriti pagat e tyre," tha për SETimes zëdhënësja e Ministrisë së Arsimit Besa Bytyçi.

Por Ali Shabanaj, kreu i Sindikatës së Arsimit, vë në dukje se rritjet nuk u dhanë në janar e shkurt këtë vit për [mësuesit] e arsimit para-universitar. "Mendoj se premtimet e ministrit [Ramë] Buja do të realizohen deri në fund të këtij viti," tha Shabanaj për SETimes.

Herët në vitin shkollor, sindikata bëri shumë kërkesa, të tilla si nënshkrimi i një kontrate kolektive mes ministrisë e sindikatës pasi projekt-ligji për arsimin para-universitar u miratua nga parlamenti.

Shabanaj shpjegoi se pasi projekt-ligji nuk ishte miratuar më parë, kishte paraqitur një pengesë ligjore. "Kjo është kapërcyer tani," tha ajo.

Artikuj që kanë lidhje

Loading

Sindikata megjithatë, dëshiron më shumë, përfshirë bisedime lidhur me indeksin e inflacionit me qëllim që të ruajë pagat e tanishme. Shabanaj tha se sindikata i paraqiti kërkesat e saj në ministri.

Sindikata thotë se përmirësimi i gjendjes financiare për mësuesit dhe personelin arsimor "është një faktor vendimtar për sukses dhe cilësi". "Rritja e financimit në arsim do të sigurojë një punë më pozitive; do të ketë profesionalizëm më të lartë në përgjithësi," tha Shabanaj.

Ministria është dakort. "Presim cilësi më të mirë për një numër arsyesh. Projekt-ligji mbi arsimin para-universitar u miratua, si dhe Strategjia për Arsimin dhe Kuadri për Programin e arsimit para-universitar. Po kërkojmë dhurues për të zhvilluar procesin e arsimit të dixhitalizuar," tha Bytyçi.

Buja pranon se mësimi po zhvillohet me disa turne në qindra shkolla të Kosovës. Në rreth 134 shkolla, mësimi bëhet me një turn; në 542 shkolla me dy turne dhe janë 36 shkolla që kanë tre turne," tha ai në një konferencë shtypi ditën e parë të shkollës.

Kjo përmbajtje është autorizuar nga SETimes.com.
Loading
Voto
 
 

Ne mirëpresim komentet tuaja lidhur me artikujt e SETimes.

Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.

Politika e komenteve të SETimes

Focus on Ukraine

Reportazh

Gjenerali i NATO-s thotë se Aleanca është e fokusuar në Ukrainën, terrorizminGjenerali i NATO-s thotë se Aleanca është e fokusuar në Ukrainën, terrorizmin

Gjenerali i lartë i NATO-s tha se vendet në aleancë po bashkëpunojnë për të luftuar ekstremizmin.

Më popullor

Loading
Loading
Loading

Anketë

A është Shteti Islamik i Irakut dhe Levantit (ISIL) një kërcënim për Europën Juglindore?

Po
Jo
Nuk e di