Brukseli përmbytet nga letrat që mbrojnë identitetin maqedonas

03/11/2011

Një protestë spontane ka fituar vrull ndaj perceptimit të mohimit nga BE të identitetit etnik e kombëtar të Maqedonisë në emër të Greqisë.

Nga Mishko Taleski për Southeast European Times në Shkup -- 03/11/11

photo

Protesta pritet të zhvillohen përpara ndërtesës së Delegacionit të BE-së në Shkup më 8 nëntor. [Mishko Taleski/SETimes]

Heqja e mbiemrit "maqedonas" në raportin e përparimit të tetorit të BE-së dhe referimi më pas ndaj delegacionit maqedonas në KE si "shkupjanë" që flasin një "gjuhë të shumicës" ka ngjallur tërbim në Maqedoni.

Një publik i zemëruar po i dërgon qindra letra Komisionerit të Zgjerimit të BE-së Stefan Fyle për të protestuar atë që thonë se është një politikë sistematike për të mohuar popullin maqedonas nën veshjen e integrimit në Bashkim.

"Kjo është një revoltë spontane në të cilën institucione të rëndësishme si dhe personalitete të admiruara, figura sportive e ekspertë të mirënjohur të huaj të arsimuar po flasin hapur. Ata po thonë një të vërtetë që askush nuk mund t'a shpërfillë më. Eshtë e qartë se fushata po i vendos zyrtarët e BE-së [që merren me pranimin] në një pozitë për të mos u patur zili," tha për SETimes analisti Dimitar Mirçev.

Letrat thonë se BE po shkel të drejtën themelore për vetë-identifikim që vetë ai e ka ngritur lart si të pacënueshme.

"Jemi thellësisht të fyer nga veprimet më të fundit të KE-së, që mohojnë identitetin tonë maqedonas. Kjo është një ulje e turpshme për ne," tha ekipi kombëtar i basketbollit në letrën e tij për Fyle.

Akademia e Arteve dhe Shkencave Maqedonase (MANU) tha në letrën e saj se prit nga BE dhe të gjitha nivelet të respektojnë në vend që të politizojnë faktet shkencore.

"Gjuha maqedonase është një emërues i përbashkët i identitetit kulturor, etnik e kombëtar. Me të, përcaktohet identiteti kushtetues dhe shtetëror i Maqedonisë, duke përfshirë identifikimin e shtetit në komunikimin ndërkombëtar," tha MANU.

Ministri i Jashtëm Nikola Popovski inicioni një takim me Fyle në Strasburg javën e kaluar dhe i tha atij se ajo që KE kishte bërë ishte kundër vlerave evropiane.

"Ekzistenca e identitetit dhe gjuhës maqedonase nuk mund të injorohet dhe se realiteti evropian nuk mund të ndryshohet duke fshirë mbiemrin në raportin e përparimit," tha Popovski.

Dy javë në fushatën e letrave, zyra e Fyles tha se do t'u përgjigjet letrave në mënyrë të përshtatëshme.

Ajo kundërshtoi çdo akuzë se po përdor një metodologji të ndryshme rreth përdorimit të emrit e atributeve të Maqedonisë që nga rekomandimet e përparimit të 2009-tës.

"KE respekton plotësisht rezolutën e OKB-së për zgjidhjen e të drejtave për emrin dhe kjo është arsyeja se pse do të vazhdojmë të përdorim referencën 'FYROM' ose Republika Ish-Jugosllave e Maqedonisë' derisa të gjendet një zgjidhje e pranuar ndërsjelltazi," tha zëdhënësi i KE-së Peter Stano.

Këshilltari për Punët e Jashtme i Presidentit Gjorge Ivanov, Darko Kostadinovski tha për SETimes se është thelbësore që Maqedonia dhe KE të kenë marrëdhënie miqësore të mbështetura në një shkëmbim të hapur e të ndershëm opinionesh.

Artikuj që kanë lidhje

Loading

"KE duhet të kuptojë se braktisja e praktikës së përdorimit të mbiemrit 'maqedonas' ndikon në procesin e bisedimeve në Nju Jork në një mënyrë që nuk është e dobishme për një përfundim të suksesshëm, sepse u referohet çështjeve të identitetit të maqedonaseve që nuk mund të jetë pjesë e asnjë bisedimi," tha Kostadinovski.

Ilija Andonov, djali i presidentit të parë maqedonas Metodija Andonov-Çento, tha se i ati i tij mbrojti Maqedoninë që të ishte një partner i barabartë në Jugosllavi, jo një i varur.

"Sot gjithashtu duhet të luftojmë që të arrijmë të jemi partnerë të barabartë në BE, jo të varur," tha Andonovi për SETimes.

Një protestë paqësore pritet më 8 nëntor përpara zyrave të delegacionit të BE-së në Shkup.

Kjo përmbajtje është autorizuar nga SETimes.com.
Loading
Voto
 
 

Ne mirëpresim komentet tuaja lidhur me artikujt e SETimes.

Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.

Politika e komenteve të SETimes

Focus on Ukraine

Reportazh

Mjekësia ushtarake lidh ushtritë e BallkanitMjekësia ushtarake lidh ushtritë e Ballkanit

Ushtritë në rajon kanë përmirësuar bashkëpunimin e tyre nëpërmjet aktiviteteve të përbashkëta të mjekësisë ushtarake.

Më popullor

Loading
Loading
Loading

Anketë

A është Shteti Islamik i Irakut dhe Levantit (ISIL) një kërcënim për Europën Juglindore?

Po
Jo
Nuk e di