Turqia priret për kujdes lidhur me Bahreinin

04/03/2011

Reagimi i butë i Turqisë kontraston me qëndrimin e mëparshëm në krizën egjiptiane.

Nga Alakbar Raufoglu për Southeast European Times -- 04/03/11

Kryeministri Rexhep Tajip Erdogan (mjatas) dhe princi i kurorës i Bahreinit Sheiku Salman bin Hamad al-Khalifa u takuan në Ankara në krye të shkurtit. [Reuters]

Ndërsa protestuesit në Bahrein kërkojnë për rrëzimin e dinastisë sunduese, Turqia ka marrë një qasje të matur në shprehjen e shqetësimit të vet.

"Ne u bëjmë thirrje të gjitha palëve në Bahrein të përmbahen nga dhuna," tha ministria e jashtme, duke shmangur kritikën e drejtpëdrejtë për qeverinë e Bahreinit.

Dhjetra mijra demonstrues, më së shumti muslimanë shitë, kanë ngritur marshime nëpër rrugët e vendit ishullor, duke i kërkuar dinastisë suni al-Khalifa të lëshojë pushtetin dhe të mundësojë formimin e një monarkie kushtetuese.

Një goditje e policisë ka shpënë në vdekjen e disa protestuesve dhe qindra të plagosurve.

Pozita e Turqisë është e përshtatëshme me proceset në vazhdim në Bahrein, i tha SETimes një zyrtar i administratës.

"Ne kemi dëshmuar që Bahreini po merr hapa drejt reformave dhe u kemi kërkuar atyre së pari të dëgjojnë njerëzit e tyre," tha kryetari i grupit të miqësisë Turqi-Bahrein, deputeti Vejsi Kajnak.

Sipas Xhelaletin Javuz, një analist në Qendrën për Marrëdhënie Ndërkombëtare dhe Analiza Strategjike me bazë në Ankara, pikëpamja e Turqisë mbi Bahreinin është formësuar nga ambicjet tregtare në Gji dhe të diturit e rolit të Bahreinit në Lindjen e Mesme.

"Shoqëria turke nuk është e interesuar aq shumë në protestat e Bahreinit, ndryshe nga ato në Egjipt," i tha ai SETimes. Ankaraja, shtoi ai, beson se al-Khalifa qeverisëse do ta kapërcejë krizën.

"Ndërsa këto protesta do të kalojnë, marrëdhëniet e Ankarasë me Bahreinin do të mbeten," vuri në dukje anëtari i parlamentit Kajnak.

Muajin e kaluar, princi i kurorës i Bahreinit Salman Bin Hamad al-Khalifa dhe dy ministra vizituan Ankaranë, ku u takuan me krerët turq për të diskutuar marrëdhëniet e përmirësuara diplomatike dhe lidhjet tregtare.

Volumi i tregtisë midis Turqisë dhe Bahreinit u rrit në 244 milion $ në 2010 nga 150 milion $ në 2009.

"Dallimet në qasjen e Turqisë ndaj Bahreinit mund t'i kenë rrënjët në droje të arsyeshme," bie dakord Brajan Mello, specialist evropian mbi lëvizjet sociale në Lindjen e Mesme. Këto, tha ai, përfshijnë shqetësime se paqëndrueshmëria mund të pengojë lidhjet e rëndësishme ekonomike "ose se në Bahrein, ndryshe nga Egjipti, ndarjet sektare sociale mund ta bëjnë çfardo tranzicioni politik më të rrëmujshëm e të pasigurtë".

Artikuj që kanë lidhje

"Ky ngurrim mundet të pasqyrojë gjithashtu një kuptim se regjimi në Bahrein është më mirë i aftë të mbijetojë se sa ish regjimi egjiptian, gjë që do t'i bënte deklarimet e gabuara të këshilluara keq," i tha ai SETimes.

Megjithatë, tha Mello, ndryshimi i qartë midis qasjes ndaj Egjiptit dhe Bahreinit e lë qeverinë turke të hapur nga kritikës.

Rajmond Ibrahim, drejtor shoqërues në Forumin e Lindjes së Mesme me bazë në Uashington, tha se Turqia është gjithashtu në ankth rreth një efekti të mundshëm domino në rajon.

"Ankaraja nuk do të donte të kritikonte qeverinë e Bahreinit pasi ajo ka frikë se mund ta gjejë veten në të njëjtën situatë, duke ju dashur të përdorë forcën kundër turqve, po qe se ata protestonin," i tha Ibrahim SETimes.

Kjo përmbajtje është autorizuar nga SETimes.com.