Për një emër? Samiti i Brdos do të bëhet

16/03/2010

Me apo pa Serbinë, samiti i planifikuar BE-Ballkan nga sa thuhet do të mbahet në qytetin slloven të Brdo të shtunën.

(WAZ.EUobserver.com - 16/03/10; B92, Blic - 15/03/10; AFP, Beta, B92, Radio Srbija, Sofia News Agency - 14/03/10; Examiner.com - 10/03/10; AFP - 09/03/10; EurActiv, AFP - 08/03/10)

"Serbia nuk do të marrë pjesë në asnjë forum ndërkombëtar i cili nuk i përmbahet parimeve të OKB," tha presidenti Boris Tadiç. [Getty Images]

Samiti BE-Ballkan pritur nga qyteti slloven Brdo do të bëhet siç është planifikuar edhe në qoftë se ndonjë nga të ftuarit nuk vjen, raportoi të martën (16 shkurt) shërbimi online i Brukselit Euobserver.

Lajmi erdhi midis zërave se takimi i së shtunës, i pari që mbledh së bashku krerët e të gjithë republikave të ish jugosllave, plus Shqipërinë, në 18 vitet e fundit, mund të anullohej lidhur me kërcënimin e Serbisë për të bojkotuar veprimtarinë në qoftë se Kosova do të marrë pjesë si një shtet i pavarur.

Presidenti serb Boris Tadiç thotë se vendi i tij do të marrë pjesë në çdo forum rajonal që respekton parimet e OKB duke përfshirë rezolutën 1244 të Këshillit të Sigurimit.

"Një forum rajonal nuk mund të përfaqësojë një njohje të nënkuptuar të pavarësisë së Kosovës," u tha ai gazetarëve pas bisedimeve me presidentin hungarez Laszlo Solyom në Novi Sad të dielën. "Serbia as do të marë pjesë dhe nuk do ta njohë haptazi pavarësinë e Kosovës as nga vendimet e saj as nga pjesëmarrja e saj në forumet dhe takimet rajonale."

Ai këmbënguli se Kosova, e cila është njohur nga 65 vende në botë duke përfshirë shumicën e vendeve anëtare të BE dhe të gjitha vendet e Ballkanit, me përjashtim të Serbisë dhe Bosnje dhe Herzegovinë dhe,Rumania duhet të marrë pjesë në forumet ndërkombëtare nën flamurin e UNMIK.

Por kryeministri i Kosovës Hashim Thaçi tha javën e shkuar se ai do të ndiqte takimin në Brdo vetëm si përfaqësues i një shteti të pavarur.

Konferenca, organizuar nën moton: Së bashku për Bashkimin Evropian: Kontributet e Ballkanit Perëndimor në një të Ardhme Evropiane", po bashkëfinancohet nga Sllovenia dhe Kroacia. Do të marrë pjesë presidenti i Këshillit të BE Herman van Rompuj si dhe ministri i jashtëm spanjoll Miguel Angel Moratinos, vendi i të cilit mban presidencën e rradhës të BE. Spanja është një nga pesë vendet e bllokut 27 vendesh që nuk e ka njohur Kosovën.

Qëllimi i takimit është të nxisë perspektivat e integrimit të rajonit në BE dhe të "shohë për zgjidhje" të disa çështjeve të hapura, tha javën e shkuar kryeministri slloven Borut Pahor. Organizatorët, shtoi Pahor, duan që samiti të përfundojë me një deklaratë të përbashkët mbi "perspektivën evropiane të Ballkanit Perëndimor".

Serbia, e cila paraqiti aplikimin e saj zyrtar për anëtarësimin në BE në dhjetor, është këshilluar nga peshërëndët e bllokut të përmbahet nga retorika e fortë rreth Kosovës, sipas raportit të Euobserver.

"Do të shkaktojë mjaft probleme për BE në qoftë se Serbisë i jept mundësia të vendosë nën cilat kushte Kosova mund të marrë pjesë në forumet ndërkombëtare apo rajonale," citonte Euobserver një diplomat të lartë të BE të thoshte. "Ne e kemi toleruar këtë në të shkuarën por tani është koha të ndrrojmë faqe."

Një javë përpara takimit të Brdos, Çedomir Jovanoviç, kreu i Partisë proevropiane Liberal Demokratike të Serbisë, i kërkoi Tadiç të marrë pjesë në samit si dhe të takohet me krerët e Kosovës si një gjest i vullnetit të mirë.

"Në vend të luftojmë për territorer ne duhet të luftojmë për jetën," citoi B92 me bazë në Beograd të thoshte Jovanoviç.