Zbulimi i Plazhit të Dhërmiut të Shqipërisë

07/07/2009

Uji i pastër i Detit Jon dhe shkëmbinjtë e bardhë rrethues e bëjnë plazhin jugor shqiptar një mjedis të këndshëm.

Teksti dhe fotografitë nga Sami Neza për Southeast European Times në Tiranë -- 07/07/09

Një restorant vendas, me pamje nga plazhi, ka një menu të gjërë ushqimesh deti.

"Mbyllni sytë dhe imagjinoni se jeni mes gjelbërimit dhe freskisë së ullinjve, limonëve dhe portokalleve, ndërsa magjia e detit blu shtrihet përpara syve tuaj; aroma ju mbush mushkëritë. Tani, hapni sytë, jeni në Plazhin e Dhërmiut [pema e lisit]," thotë një libër turistik.

Duke u larguar nga Tirana në 8 të mëngjesit, bëra makinën gati dhe u nisa drejt Detit Jon.

Pasi udhëtova për rreth dy orë, ndalova në Orikum, një qytet i vogël bregdetar pranë qytetit të Vlorës. Orikumi, që e mori emrin e tij nga qyteti i lashtë Orikum, që ndodhet në periferi të tij, ishte një bazë ushtarake e rëndësishme Jul Çezarin dhe ushtrinë romake.

Pas largimit nga Orikumi, unë vazhdoj në Llogara, parku kombëtar që gjendet rreth 1,100 m mbi nivelin e detit.

Ka vende në pyjet e pishave të Llogarasë ku turistët mund të shohin plazhin e bukur të Dhërmiut aty poshtë dhe atë që duket si një det blu pa fund.

Pas një rruge prej tre orësh, mbërrita në fshatin e Dhërmiut, të mbushur plot me shtëpi të bardha dhe shkurre qitroje.

Bregdeti është i rrethuar me kabina.

Një linjë autobuzash shkon nga Tiranë në Dhërmi dhe një biletë kushton rreth 7 euro. Unë shpenzova rreth 30 euro me makinë, kështu që autobuzi është një mënyrë e lirë transporti.

Plazhi i qetë i Dhërmiut është rreth 5 km i gjatë dhe zakonisht është pothuajse bosh, edhe gjatë pikut të sezonit turistik. Pasi kalon shkëmbinjtë dhe e bardhë dhe rërën e trashë, deti është i pastër. Bregdeti është i rrethuar me kabina dhe një hotel lluksoz, që kushton rreth 25 euro për natë.

Një restorant vendas, i vendosur pranë kabinave, ka një menu të gjërë ushqimesh deti -- lëvrek, oktapod, sepje dhe kallamar.

Artikuj që kanë lidhje

Pronari i restorantit Lorenc Gjukuria mishëroi shpirtin e Dhërmiut duke recituar një moto të vjetër shqiptare "Pranë detit, pranë mbretit".

Një bar në plazh gjendet ndërmjet rërës dhe pyjeve që e rrethojnë, i ndërtuar mbi një bunker komunist të vjetër dhe i quajtur "Ekzotik". Pijet në bar janë të shtrenjta, rreth gjashtë euro.

Në vendin e pushimit mund të bëhen shumë gjëra, të tilla si ski në ujë, parasailing dhe peshkim.

Për ata që kërkojnë jetën e natës, një fshat gjendet jo larg, rreth 3 km, që ofron një larmi pabesh dhe klubesh të kërcimit dhe ku pushuesit qëndrojnë deri në orët e para të mëngjesit.

Kjo përmbajtje është autorizuar nga SETimes.com.