Vish -- nga izolimi në një destinacion turistik

03/07/2009

Megjithëse mbërritja në ishullin e Vishit është një sfidë, natyra, rrugët dhe sheshet mesdhetarë plot ngjyra të mbushura plot me restorantë peshku ia vlen të vizitohen.

Nga Natasha Radiç për Southeast European Times në Zagreb – 03/07/09

Ishuli kroat i Vishit është i njohur për detin e tij blu kristal, ishujt e vegjël të ngjitur dhe shpellat e bukura. [Getty Images]

Si ishulli më i largët i populluar i arqipelagut dalmacian, 45 km nga qyteti mes-dalmacian i Splitit, Vishi është një vend ideal për pushime për ata që përpiqen të shmangin vendet turistike me turma. Ishulli ka ruajtuar autenticitetin e tij, me detij e tij blu kristal dhe shpella të bukura.

"Vishi nuk është si ndonjë ishull tjetër kroat. Nuk arrihet lehtë, por është i veçantë. Ju përsëri mund të qetësoheni gjatë një pushimi pa u dashur të përziheni me një turmë plot shpresa turistike," banorja e Zagrebit Ivana Devic, që është duke planifikuar një pushim në Vishi, tha për Southeast European Times.

Gjatë Luftës së Dytë Botërore, ishulli ishte streha kryesore e fshehtë e Josif Broz Tito, që do të bëhej një udhëheqës i ish-Jugosllavisë.

Përpara shpërbërjes së Jugosllavisë, Vishi ishte një ishull i ndaluar me bazë ushtarake detare -- turistët e huaj nuk lejoheshin. Megjithatë, nëndetsja e fundit ushtarake u largua nga ishulli më 1989 dhe Vishi u bë strehë e jahteve privatë.

"Peisazhi nënujor të lë pa frymë," tha zhytësja kroate dhe kampionia e botës në apnea Karla Fabrio. [find-Croatia.com]

Mundësia e vajtjes atje mbetet problemi më i madh, sidomos për 3,500 banorët e tij. Për ata që nuk kanë një varkë, mënyra e vetme për të mbërritur në Vishi është trageti ose anije. Megjithatë, pasi mbërrini në ishull, rrugët udhëtohen lehtë.

Një prej vendeve më të mirënjohur në Vishi është Bishevo, një gji pranë qytetit Komiza. Gjiri është streha e Shpellës Blu, e ashtu-quajtur "xhevahiri i Adriatikut", e famshme për pasqyrimin irideshent të saj të ngjyrave blu dhe argjend, një fenomen natyror që krijon një atmosferë si në përrallë. Në shpellë mund të shkohet me anije dhe vizitorët mund të zhyten brenda në të.

Zhytësja kroat dhe kampionia e botës në apnea Karla Fabrio është një admiruese prej një kohë të gjatë."Vishi është i bukur kur zhytesh dhe trainohesh, sepse peisazhi nënujor të lë pa frymë. Eshtë vendi im i preferuar për të kombinuar trainimin dhe bërjen e pushimit," thotë Fabrio, e cila e zgjodhi ishullin si vendin për dasmën e saj.

Vishi dhe Komiza -- dy fshatrat më të mëdhenj në skajet e kundërt të ishullit -- ofrojnë një sferë hotelesh dhe strehimesh private. Banorët e Vishit janë miqësorë, por flasin një dialekt të gjuhës kroate që edhe banorët vendas nga i njëjti rajon mezi e kuptojnë.

Kështu, kur të vendosni të niseni me anije për në VIshi, dëgjoni këshillën -- përpiqni të komunikoni me vendasit në anglisht; do të jetë më e lehtë.