Ritëm dhe bluz në Kosovën veriore

24/06/2009

Emra të mëdhej u shfaqën për Festivalin e kohëve të fundit të Qytetit të Veriut, Xhaz & Bluz.

Nga Ilija Gjorgjeviç për Southeast European Times në Mitrovicë – 24/06/09

I madhi i saksit Igor Butman dhe trioja e tij përshëndet spektatorët në Qytetin e Veriut. [Ilija Gjorgjeviç]

Turmat në Zveçan shijuan një bufe xhazi e bluzi në Festivalin e Qytetit të Veriut Xhaz& Bluz nga 5 deri në 7 qershor.

Tetë orkestra dhe 60 muzikantë të shquar nga Greqia, Franca, Algjeria, Rusia, Qipro dhe Serbia dolën në shfaqjen e organizuar nga Shoqata e Muzikantëve të Mitrovicës.

Branko Markoviç, një kondrabasist dhe një nga muzikantët kryesorë të xhazit të Serbisë, ishte drejtori artistik i festivalit.

"Ne jemi me fat të dëgjojmë mes të tjerësh, Ana Popoviç, Peter Herbolzheimer, Xhudi Niemak, Çak MekFerson, trion Silvein Luk dhe të tjerë, që flasin për cilësinë e festivalit Qyteti i Veriut Xhaz & Bluz... Unë jam i bindur se organizatorët do të...vazhdojnë të ftojnë muzikantë cilësorë të xhazit dhe në qoftë se është e mundur, të ngrenë edhe më cilësinë e kësaj veprimtarie xhazi," i tha Markoviç Southeast European Times.

Kuarteti i kitarave KM hapi veprimtarinë nën drejtimin e kitaristit legjendar të xhazit të Mitrovicës, Peter Rakiç. Pasoi pastaj Big Band, një grup qipriot, orkestra e parë në Qipro, sipas uebsajtit të tij.

Spektatorët brohoritën për trion Oleg Çali Hamond në natën e dytë. Çali, një nga pianistët më të njohur grekë të xhazit dhe që është i mirënjohur për bashkëpunimin me muzikantë nga zhanre të ndryshme, tërhoqi audiencën me bukurinë dhe ndjershmërinë e tingullit të tij.

Saksofonisti i dorës së parë Igor Butman dhe trioja e tij e bënë audiencën të shpërthejë mbrëmjen e fundit të festivalit. Ish qytetari rus, tani një emigrant në SHBA, ka luajtur me disa nga emrat më të mëdhej të xhazit në SHBA.

Grupi Del Arno i Beogradit mbylli festivalin. Grupi e joshi turmën, veçanërisht pjesëtari më i ri i tij që kërcente nën ritmet e regës.

"Ne natyrisht nuk do të ndalemi këtu. Ne tashmë kemi idera rreth ftuarjes së disa emrave të mëdhej në edicionin e tetë," i tha Southeast European Times, producenti i festivalit Nenad Iliç.

Zyra e ndërlidhjes e Komisionit Evropian (KE) në Kosovë ishte një nga sponsorët kryesorë të veprimtarisë.

"Komisioni Evropian i jep rëndësi të madhe kulturës dhe nxitjes së veprimtarive kulturore veçanërisht atyre që sjellin së bashku komunitetet. Me qëllim që të arrijë te më shumë njerëz të Kosovës, zyra e ndërlidhjes së KE inkurajon në mënyrë të veçantë veprimtaritë e kryera jashtë Prishtinës," thoshte uebsajti i KE.