ICTY trefishon dënimin e ish oficerit serb lidhur me vrasjet e Vukovarit

06/05/2009

Gjykatësit e apelit në gjykatën e OKB për krimet e luftës rritën të martën dënimin fillimisht pesë-vjeçar të ish oficerit serb Veselin Sljivançanin dhe përmbysën lirimin e tij në lidhje me masakrën e Vukovarit në 1991.

(AFP - 06/05/09; AP, Reuters, DPA, AKI, New York Times, BBC, Beta, B92, International Criminal Tribunal for the former Yugoslavia - 05/05/09)

Gjykata rriti dënimin e ish majorit të ushtrisë jugosllave Veselin Sljivançanin për vrasjen dhe ndihmën dhe bashkëfajësinë në vrasjen e të burgosurve. [Getty Images]

Dhoma e Apelit e Gjykatës Penale Ndërkombëtare për ish Jugosllavinë (ICTY) vendosi të martën (5 maj) se një ish oficer serb i ushtrisë bëri të mundur efektivisht masakrën e 1991 të 194 të burgosurve kroatë të luftës dhe ajo trefishoi dënimin e tij fillestar.

Në shtator 2007, gjykata e OKB dënoi ish majorin e ushtrisë popullore jugosllave (JNA) Veselin Sljivançanin, 55 vjeç, për ndihmën dhe bashkëfajësinë në torturimin e të burgosurve të marrë nga një spital në qytetin e Vukovarit por e liroi atë nga përgjegjësia për ekzekutimin e tyre përfundimtar.

Duke hedhur poshtë apelin e tij dhe duke shfuqizuar lirimin, Dhoma e Apelit vendosi të martën të rritë afatin e burgimit të tij në 17 vjet.

"Një dënim me burg me pesë vjet nuk pasyron përshtatshmërisht nivelin e rëndesës së krimeve të kryera nga Z. Sljivançanin," tha gjykatësi kryesues Theodor Meron, duke njoftuar vendimin 3-2 të panelit pesë-anëtarësh.

Gjykatësit e apelit hodhën poshtë gjithashtu apelin e ish kolonelit të JNA, Mile Mrksiç, 61 vjeç, duke mbajtur dënimin me burg me 20 vjet që ai mori për rolin e tij në masakrën e Vukovarit.

Miroslav Radiç, ish oficeri i tretë serb i paditur në rastin, u lirua në 2007 nga të gjitha akuzat.

Sipas padisë së përbashkët, Mrksiç ishte komandant i brigadës së parë të motorizuar të JNA, e cila mbajti përgjegjësinë për rrethimin tre-mujor të Vukovarit që shpuri përfundimisht në rënien e tij në nëntor 1991. Atë kohë, Sljivançanin ishte një oficer i sigurimit të asaj brigade.

Në vijim të një marrëveshjeje midis JNA dhe qeverisë kroate, trupat nën komandën e Mrksiç dhe Sljivançanin lëvizën 400 pacientë dhe refugjatë nga spitali i Vukovarit në mëngjesin e 20 nëntorit 1991. Ata lëvizën rreth 300 nga prej tyre në fermën Ovçara, duke i bërë subjekt të rrahjeve dhe abuzimeve të tjera.

Mrksiç urdhëroi pastaj tërheqjen e trupave të rregullta serbe që mbronin të burgosurit, duke i lënë ata në duart e forcave të mbrojtjes lokale territoriale dhe të paraushtarakëve. Këto njësi qëlluan e vranë të burgosurit në një fushë pranë.

Artikuj që kanë lidhje

Prokurorët e OKB e vunë numrin e të vrarëve në incident në 264 por gjyqi i 2007 e vuri numrin e të vrarëve të provuar në 194.

Dhoma e Apelit tha se Sljivançanin duhej të mos i bindej urdhërave të Mrksië pavarësisht se koloneli ishte eprori i tij. Ajo vendosi se Sljivaçanin ishte në dijeni se paraushtarakët "kishte gjasa t'i vrisnin të burgosurit e luftës" në mungesë të forcave të rregullta serbe, siç deklaroi Meron në sallën e gjyqit.

Dënimet e gjykatës së OKB në 2007 shkaktuan reagime të zemëruara në Kroaci.

"Nuk e di se sa njerëz duhet të qenë vrarë këtu aqë keqbërësit të merrnin burgim të përjetshëm," tha kryeministri Ivo Sanader atë kohë, ndërsa bënte thirrje për qetësim.

Kjo përmbajtje është autorizuar nga SETimes.com.