Kreu i komunitetit islamik të BiH takohet me papën Benedikt XVI
17/11/2008
Myftiu i madh Mustafa Efendija Çeriç, kreu i komunitetit musliman të Bosnje dhe Herzegovinës ndoqi një takim tre-ditor të Forumit Katolik-Musliman në qytetin e Vatikanit.
Nga Jusuf Ramadanoviç për Southeast European Times në Sarajevë -- 17/11/08
 Myftiu i madh Mustafa Efendija Çeriç u takua me papën më parë këtë muaj. [AFP] |
Takimi i parë i Forumit Katolik-Musliman u zhvillua në qytetin e Vatikanit nga 4 deri në 6 nëntor. Ai u ndoq nga dy delegacione, njëri musliman e tjetri katolik, secili i përbërë nga 29 ekspertë dhe krerë fetarë. Midis tyre ishte kreu i komunitetit islamik në Bosnje dhe Herzegovinë, myftiu i madh Mustafa Efendija Çeriç.
Krijuesit e forumit qenë këshilli pontifikal për dialogun ndërfetar dhe 133 përfaqësues muslimanë që në 13 tetor 2007 i dërguan një letër të hapur papës dhe krerëve të tjerë të kishave të krishtera dhe komuniteteve ekleziastike.
Në ditën e tretë të seminarit, pjesëmarrësit kishin një audiencë me pontifin. "Ky takim është një shenjë e qartë e respektit tonë të ndërsjelltë," tha papa Benedikt XVI. Gjatë fjalës së tij, ai e karakterizoi seminarin si një hap tjetër drejt mirkuptimit më të mirë midis muslimanëve dhe të krishterëve.
Midis atyre që qenë në audiencën e papës ishte dhe Efendija Çeriç. Në pohimin e tij në të përditëshmen me bazë në Sarajevë, Dnevni Avaz, ai përçoi përshtypjet e tij nga biseda me papën.
"Unë i thashtë papës se BiH është një vend me njerëz të mirë dhe e ftova atë të vizitojë vendin tonë dhe Sarajevën," tha Efendia Çeriç i cili i përcolli gjithashtu përshëndetje papës nga kardinali katolik i Bosnje dhe Herzegovinës, Vinko Puljiç.
Kreu islamik tha se po kthehej në Sarajevë me shumë më tepër optimizëm për të ardhmen e Evropës. "Kjo është një piketë për zgjidhjen e dallimeve në kontekstin evropian," tha ai. Ai shtoi se "fillimi i këtij dialogu bazuar në fjalët e përbashkëta, nisur nga muslimanët, është një dialog premtues."
Krerët katolikë e muslimanë deklaruan në qytetin e Vatikanit se do të luftojnë bashkërisht dhunën e terrorizmin veçanërisht ato krime "që kryhen në emër të fesë".
Deklarata e tyre përfundimtare bën thirrje për mbrojtjen e pakicave fetare nga "përqeshje apo tallje".
Pjesëmarrësit e forumit vendosën të mbidhen çdo dy vjet.
Email to a friend
Versioni për printim 
Kosovë: Gjendje pa rrugëdalje në kufi
Energji: Çështje dhe Prirje
Në ndryshim të perceptimit: Gratë në Ballkan
Ballkani nis të bëhet i gjelbër
Ne mirëpresim komentet tuaja lidhur me artikujt e SETimes.
Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.
Politika e komenteve të SETimes