E mundëshme marrëveshja për vendosjen e EULEX, thotë Tadiç

20/10/2008

Presidenti serb Boris Tadiç tha javën e shkuar se kishte një mundësi që Beogradi të miratonte vendosjen e misionit të BE në Kosovë, të cilën qeveria serb e ka kundërshtuar në mënyrë të patundur.

Nga Igor Jovanoviç për Southeast European Times në Beograd – 20/10/08

Presidenti Boris Tadiç tha se Serbia mund të miratojë misionin e EULEX. [Getty Images]

Presidenti serb Boris Tadiç tha javën e shkuar se autoritetet e Beogradit dhe BE mund të arrijnë një marrëveshje mbi vendosjen e misionit EULEX në Kosovë dhe që marrëveshja të marrë verifikim nga Këshilli i Sigurimit i OKB.

Deklarimi i Tadiç tërboi opozitën serbe ndërsa zyrtarët e BE e përshëndetën atë. Beogradi deri tani ka kundërshtuar furishëm mbrritjen e misionit të BE në Kosovë e cila shpalli pavarësinë në 17 shkurt.

"Ne po punojmë mbi ëvendosjen e EULEXç me të gjitha forumet ndërkombëtare, me Këshillin e Sigurimit të BE dhe BE si dhe me përfaqçësuesit rusë dhe të SHBA, domethënçë, me të gjithë ata që janë jetikisht të rëndësishëm për të ardhjmen e Kososvës brenda Serbisë," i tha Tadiç të përditësdhmes së Beogradit Vecernje Novosti javën e shkuar.

Presidenti tha gjithashtu se Beogradi do ta pranojë misionin e BE mbi tre kushte: që prania e saj në Kosovë të marrë miratimin nga Këshilli i Sigurimit; që ai të jetë një mision neutral ndaj statusit dhe që të mos ketë zbatim të planit të propozuar nga Marti Ahtisaari, të cilin Këshilli i Sigurimit nuk qe në gjendje ta miratojë për shkak të kundërshtimit nga Serbia dhe Rusia.

Deklarata e Tadiç ndeshi në kundështimin e fortë nga opozita serbe, veçanërisht ish kryeministri Vojislav Koshtunica i cili përkufizoi politikën e shtetit mbi Kosovën gjatë qëndrimit të tij në detyrë.

Njoftimi i Tadiç ishte "një thikë në shpinë për mbrojtjen e Kosovës", tha Koshtunica, duke shtuar se plani i Ahtisaarit parashikoi praninë e EULEX dhe se misioni do të zbatonte në mënyrë të pashmangëshme planin për pavarësinë e Kosovës.

Nga ana tjetër, zyrtarët evropianë përshëndetën deklarimin e Tadiç. Komisioneri i zgjerimit të BE Olli Rehn tha se ishte e rëndësishme për BE të shihnin "qasjen konstruktive" të Serbisë ndaj vendosjes së EULEX në Kosovë pasi një qasje e tillë ishte bazë për stabilitetin rajonal dhe rendin e ligjit në Kosovë.

"Ja pse është e rëndësishme që ne të gjithë, duke përfshirë qeverinë serbe, punojmë së bashku drejt bërjes së suksesëshme të vendosjes së EULEX në Kosovë," tha Rehn.

Të premten, komandanti i EULEX Iv dë Kermabon tha se BE dhe Serbia janë "jo shumë larg" nga një marrëveshje mbi vendeosjen e EULEX. Ai shprehu shpresë se EULEX do të vendoset anembanë Kosovës deri nga fundi i dimrit.

I dërguari i posaçëm i BE në Kosovë, Pieter Feith shprehu shpresë se një vendosje e gjerë në Kosovë do të bëhej e mundëshme në javët që vinë. Feith tha se nga EULEX do të përfitonte gjithkush në Kosovë, veçanërisht pakica serbe.

Që nga shpallja e pavarësisë së Kosovës, UNMIK është pakësuar. Misioni do të transferojë disa nga kapacitetet e veta tek EULEX, i cili duhet të ketë rreth 2,000 anëtarë. EULEX nuk ka ardhur ende në zonat e populluara nga serbët, për shkak se Beogradi dhe serbët e Kosovës refuzojnë të presin misionin deri tani. UNMIK mbetet aktiv në enklavat serbe.