Shqipëria kërkon të bëhet prodhues i madh i energjisë së erës
08/09/2008
Në të parën nismë të këtij lloji, parku i erës i Shqipërisë do të prodhojë energji për eksport në Itali. Disa projekte të ngjashme janë në proces.
Nga Jonilda Koçi për Southeast European Times në Tiranë – 08/09/08
 Fermat e erës, si ai i planifikuar në Shqipëri, janë një burim i energjisë alternative. [Getty Images] |
Shqipëria do të ndërtojë parkun e vet të parë të erës dhe planifikon të eksportojë energji në Itali sipas një nisme të re. Dy kompani, Moncada Costruzioni dhe Enpower Albania të Italisë, janë prapa projektit që do të mund të jepte një kapacitet prej 500 Mw.
Prodhimi pritet të nisë deri në 2010. Energjia do të udhëtojë nëpër një kabëll të shtrirë nga porti shqiptar i Vlorës në Brindisi të Italisë, në një thellësi 825 metra.
"Në të ardhmen e afërt, [kablli] mund të rriste importin e energjisë së prodhuar nga centralet konvencionale që [ne] kemi ndërmend të zhvillojmë në truallin shqiptar," thoshte një deklaratë nga Moncada Construzioni. Në gusht, qeveria shqiptare miratoi përdorimin e tokës pyjore e të kullotës në rrethin e Vlorës për zhvillimin e parkut të erës.
Ekspertët thonë se potenciali për projekte të ngjashme ekziston në një numër vendesh në Shqipëri, veçanërisht në fushat, përgjatë bregdetit dhe në kodrat. Autoriteti Rregullues i Elektricitetit (ARE) ka licensuar tani disa kompani për të zhvilluar këtë potencial.
Vitin e kaluar, licensa e parë i shkoi kompanisë Hera, e cila ka në plan të ndërtojë një fermë ere në zonën e Kapshticës dhe Bilishtit, Shqipëria juglindore, me një kapacitet 150 Mw. Projekti do të kushtojë 240 milion euro.
Malet e Terpanit, pranë qytetit jugor të Beratit janë një tjetër zonë e planifikuar për zhvillimin e energjisë së erës. Investimi i projektit llogaritet në 460 milion euro, me një kapacitet të instaluar prej 225 Mw.
Italgest, një kompani italiane e nergjisë së erës, ka propozuar ndërtimin e një centrali ere pranë Kryevidhit, 50 km larg Tiranës. Njësia do të gjeneronte 150 Mw dhe investimet e kompanisë do të arrinin në 202 milion euro.
Email to a friend
Versioni për printim 
Kosovë: Gjendje pa rrugëdalje në kufi
Energji: Çështje dhe Prirje
Në ndryshim të perceptimit: Gratë në Ballkan
Ballkani nis të bëhet i gjelbër
Ne mirëpresim komentet tuaja lidhur me artikujt e SETimes.
Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.
Politika e komenteve të SETimes