Shqipëria do të shfuqizoj rekrutimin në 2010
21/08/2008
Qeveria shqiptare po reformon totalisht ushtrinë e saj me qëllim që ta bëjë më profesionale dhe në përputhje me kërkesat e antarësimit në NATO.
Nga Jonilda Koci për Southeast European Times në Tiranë – 21/08/08
 Shërbimi ushtarak nuk do të jetë më i detyrueshëm në Shqipëri. [Getty Images] |
Duke filluar nga 1 janar 2010, Shqipëria nuk do të ketë më shërbim ushtarak të detyrueshëm. Kjo iniciativë është pjesë e reformave të kërkuara nga NATO, të cilat vendi shpreson ti bashkohet mbas realizimit të kërkesave të Aleancës.
Parlamenti kaloi një ligj javën e kaluar për të filluar reformën. Legjislacioni është në kuadër të programit të filluar nga forcat e armatosura shqiptare -- me ndihmën e Departamentit të Mbrojtjes së SHBA-së -- për të përmirësuar nga ana teknologjike dhe për ta profesionalizuar plotësisht ushtrinë deri në vitin 2010. "Ne kemi për qëllim [të ndërtojmë] një ushtri me profesionistë," tha kryeministri Sali Berisha mbas kalimit të ligjit në 13 gusht.
"Ndërtimi i një ushtrie profsioniste do të ofrojë mundësi pune për të rinjtë ... brenda forcave të armatosura shqiptare," tha ministri i mbrojtjes Gazmend Oketa.
Qeveria po vlerëson akoma pagat e trupave ushtarake në kuadër të sistemit të ri, por do të shtojë stimuj të tjerë, si e drejta për një shtëpi banimi dhe përfitime të tjera. Oketa tha se në muajt e ardhshëm, ushtria do të hapi disa qendra rekrutimi ku mund të regjistrohen të diplomuarit e shkollave të mesme.
Reforma do të përfshijë gjithashtu përfitime nga njerëzit e rinj që vazhdojnë një karrierë ushtarake. Me futjen e një sistemi profesionist, Akademia Ushtarake Skënderbeu me qendër në Tiranë do të shtojë disa departamente.
Shërbimi ushtarak ka filluar të jetë i detyrueshëm që nga viti 1945, por afati i tij është ndryshuar gjatë kohës. Në fillim, afati ishte katër vjet. Në vitin 1954, ai u ndryshua në tre vjet. Në vitin 1972, ai kaloi në 27 muaj dhe në vitin 1992 në 18 muaj. Në vitin 1996 ai u shkurtua në atë që është tani 12 muaj.
Në Janar, qeveria lajmëroi planet për shkurtimin e forcave të saj të armatosura me 3% deri në vitin 2013. Planifikuesit parashikojnë të kenë 14,500 trupa profesioniste deri në vitin 2010.
Email to a friend
Versioni për printim 
Kosovë: Gjendje pa rrugëdalje në kufi
Energji: Çështje dhe Prirje
Në ndryshim të perceptimit: Gratë në Ballkan
Ballkani nis të bëhet i gjelbër
Ne mirëpresim komentet tuaja lidhur me artikujt e SETimes.
Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.
Politika e komenteve të SETimes