Rumania feston në festivalet verore të rokut dhe xhazit

19/08/2008

Nga Bukureshti në ish-qytetin evropian të kulturës Sibiu, nga plazhet e qendrës turistike Vama Veke në rrëzë maleve Semenik, Rumania shijoji këtë verë një dietë festivalesh muzikore të pasur dhe të larmishme.

Nga Alina Bandila për Southeast European Times në Bukuresht -- 19/08/08

James Hetfield (djathtas) dhe grupi i tij, Metallika, luajtën në Bukuresht në 23 korrik. [Getty Images]

Fillimi i një verë muzikore ishin koncertetet e 3 korrikut në Bukuresht nga orkestra rome e Damian & Brothers dhe orkestra serbe Amaro Del. Shpejt mbas këtyre performancave erdhi festivali i 4-11 korrikut B'ESTFEST 2008, një ngjarje e rëndësishme që solli së bashku Nelly Furtado, Apollo 440, Cypress Hill, Alanis Morissette, Manu Chao dhe Manic Street Preachers. Emra të vjetër si Judas Priest, Ross the Boss dhe Primal Fear u shfaqën gjithashtu.

Megjithatë Bukureshti festoi më shumë me hard rokun këtë verë, duke shijuar Lenny Kravitz në 26 korrik dhe Iron Maiden në 4 gusht. Ata mbushën karriget e stadiumit të futbollit të Kotroceni. Xhejms Hetfilld dhe grupi i tij, Metalika, nuk kishte nevojë për paraqitje tek rumunët. Ata u kthyen në Bukuresht në 23 korrik, duke pasur debutin e tyre të parë rumun në 1999.

Kravitz, duke pasur Metallica mbas tre ditësh, shijoi një mirëpritje të ngrohtë por kreu një gafë duke ju referuar vendit të tij mikpritës si Hungaria, duke fituar humorin e turmës gjatë pothuaj gjithë mbrëmjes.

Iron Maiden, interpretuan para një salle të mbushur plot. Anëtari themelues Steve Harris tha në faqen e internetit të grupit se fansat rumunë do të kenë shansin të dëgjojnë kitaristin "Bruce [Dickinson] të interpretojë këngët klasike". Dickinson u largua nga grupi muzikor para shfaqjes së mëparshme të tij në Bukuresht në 1995, por u ribashkua me të në 1999.

Në Sibiu, muzika rok shijoi një ajrosje në festivalin ARTMANIA në 18 dhe 19 korrik. Grupet muzikore nga Rumania, Suedia dhe Gjermania, respektivisht si Frozen Dusk, Tiamat dhe Lacrimosa, ishin midis 12 performancave.

Një tjetër ngjarje, Festivali i Gadishullit në Tërgu Muresh, u zhvillua nga 23 deri në 26 korrik. Midis interpretuesve të tij ishin Epica, Avantasia dhe Mocheeba.

Po ashtu, Festivali Stufstock u zhvillua midis 14 dhe 16 gushtit në Vama Veche, një stacion turistik në detin e Zi afër me kufirin bullgar. Trupat në Stufstok përfshinë Apocalyptica, Air Traffic, dEUS dhe Kultur Shock.

Admiruesit e xhazit morrën dhe ata pjesën e tyre. Festivali Garana i Xhazit, në rrëzë të maleve Semenic, u zhvillua nga 18 deri 20 korrik dhe përfshiu një koleksion të gjerë yjesh ndërkombëtar: Charles Lloyd i Shteteve të Bashkuara, Djabe e Hungarisë, Jaroslaw Smietana e Polonisë, Harry Tavitian dhe Orient Express i Rumanisë, Lars Danielson i Suedisë, Trio e Xhazit lituaneze, Miroslav Vitous i Republikës Çeke, dhe të tjerë.